News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

एमालेको स्थायी कमिटी बैठक आह्वान

'बैठकमा चुनावको मिति घोषणा र पार्टीको आन्तरिक जीवनका विषयमा छलफल हुने'

काठमाडौं । प्रधानमन्त्री एवम् नेकपा एमालेका अध्यक्ष खड्गप्रसाद ओलीले स्थायी कमिटीको बैठक आह्वान गरेका छन् । प्रतिनिधि सभा विघटन र चुनाव घोषणा गरेसँगै आएका विभिन्न प्रतिक्रिया र पछिल्लो राजनीतिक अवस्थाबारे छलफल गर्न बैठक आह्वान गरिएको हो ।

आज दिउँसो चार बजे बालुवाटारमा बस्ने बैठकमा चुनावको मिति घोषणा र पार्टीको आन्तरिक जीवनका विषयमा छलफल हुने कार्यलय सचिव शेरबहादुर तामाङले जानकारी दिएका छन् ।

शुक्रबार मध्यराती बसेको मन्त्रिपरिषद्को सिफारिस अनुसार राष्ट्रपति विद्यादेवी भण्डारीले तत्कालै संसद विघटन गरी आगामी कात्तिक २६ र मंसिर ३ गते चुनावको मिति घोषणा गरेकी थिईन् । यो निर्णयप्रति एमालेका नेता माधवकुमार नेपाल लगायत विपषी गठबन्धनहरुले प्रतिगमन दोहोरिएको भन्दै आक्रोश व्यक्त गरिरहेका छन् । विपक्षी दलहरु यो निर्णयप्रति कानुनी उपचारमा जाने भन्दै छलफलमा जुटिरहेका छन् ।

प्रतिक्रिया