डोटी । सेती नदीमा पौडी खेल्ने क्रममा आज दिउँसो डुबेर दार्चुलाका दीपेन्द्रसिंह धामीको मृत्यु भएको छ । दार्चुलाको मालिकार्जुन घर भएका १७ वर्षीय धामीको डुबेर मृत्यु भएको प्रहरीले जानकारी दिएको छ ।

शिखर नगरपालिका–२, मुडेगाउँको कालागाड नजिकै रहेको धार्मिकस्थल सालमुनिमा पूजामा गएको समयमा सेती नदीमा पौडी खेल्ने क्रममा नदीभित्रको हिलोमा अड्किएर धामीको मृत्यु भएको प्रत्यक्षदर्शीले बताए ।
सेती प्राविधिक शिक्षालय दिपायलमा सिभिल इन्जिनियर पढ्दै गरेका धामीको डुबेर मृत्यु भएको डोटी जिल्ला प्रहरी कार्यालयका प्रहरी नायब उपरीक्षक इन्द्रबहादुर मल्लले जानकारी दिए ।