रौतहट । सदस्यता नपाएपछि रौतहटका पत्रकार आन्दोलित भएका छन् । जिल्ला शाखाबाट सिफारिस गरिएका पत्रकारहरुलाई सदस्यता नदिइएको भन्दै नेपाल पत्रकार महासंघ रौतहट कार्यालयमा ताला लगाएर धर्नामा बसेका छन् ।

क्रियाशील पत्रकारहरुलाई सदस्यताबाट बञ्चित गराएको भन्दै यो त्रुटि सच्याउन ती पत्रकारहरुले माग गरेका छन् । रौतहटका जिल्ला शाखाका अध्यक्ष रविन्द्रप्रसाद साहले नयाँ सदस्यताका लागि ४२ पत्रकारको नाम सिफारिस गरेकोमा १९ जनाको नाम हटाएर विवरण सार्वजनिक गरिए पछि पत्रकारहरु आन्दोलित भएका हुन् ।

नेपाल पत्रकार महासंघको चुनाव आगमी २५ चैतमा तोकिए पनि आन्दोलित पत्रकारहरुले यो त्रुटी नसच्याए महासंघको निर्वाचन हुन नदिने चेतावनी दिएका छन् ।