पोखरा । सहिद तथा बेपत्ता योद्धा सन्नति फाउन्डेसनको संगिता बरालको अध्यक्षतामा गण्डकी प्रदेश कमिटी गठन भएको छ । कमिटीको वरिष्ठ उपाध्यक्षमा राजकुमार ढकाल, उपाध्यक्षमा नेहा गुरुङ, सचिवमा रविन आले मगर र कोषाध्यक्षमा कमल विक रहेका छन् ।
त्यसैगरी सदस्यहरुमा सुस्मिता वस्ताकोटी, अनिता कुमाल, हेमलाल पौडेल, जमुना बस्नेत, युवराज भुसाल, दीपेन्द्र विक, कमल पाण्डे र अनिता विक रहेका छन् ।

गत चैत १ गते बसेको फाउण्डेसनको कार्यसमितिको बैठकले २१ सदस्यीय गण्डकी प्रदेश कमिटी गठन गरेको अध्यक्ष नवीनविष्णु पोख्रेल र महासचिव अटल आचार्यले जारी गरेको प्रेस विज्ञप्तिमा उल्लेख छ ।

महान सहिदहरुको सम्मान गर्दै जनयुद्ध र जनआन्दोलनको दौरान सहादत प्राप्त गर्नुभएका सहिद र वेपत्ताहरुको परिवारलाई सम्मान, सन्ततिहरुलाई शिक्षा, रोजगारी तथा स्वास्थ्यका अवसर उपलब्ध गराउनु पर्ने आवश्यकतालाई महसुस गर्दै सहिद तथा वेपत्ता योद्धा सन्तति फाउण्डेसनको स्थापना भएको विज्ञप्तिमा उल्लेख छ ।

विज्ञप्तिमा भनिएको छ–‘नेपाललाई न्यायपूर्ण, सभ्य, सुसंस्कृत, वैज्ञानिक तथा समुन्नत मुलुकमा रुपान्तरण गर्ने महान् अभियान स्वरुप नेपाली भूमिमा १० वर्षको लामो जनयुद्ध चल्यो र त्यसक्रममा थुप्रै सपुतहरुले ज्यान गुमाउनु र वेपत्ता हुनुप¥र्यो ।’

‘उहाँहरुको बलिदानपूर्ण संघर्ष, त्याग, समर्पण र बलिदान कै कारण आज नेपालमा संघीय लोकतान्त्रिक गणतन्त्र स्थापना भएको छ’, विज्ञप्तिमा भनिएको छ–‘नेपाली जनताका हक अधिकारहरु संवैधानिक रुपमा स्थापित भएका छन् ।’