News Portal

ताजा शिर्षकहरु

चर्चित शिर्षकहरु

राजनीति समाचार

क्रियाशिल महिला पत्रकार तनहुँको अध्यक्षमा विमला

'पत्रकारितामा महिलाहरुको गुणात्मक सहभागिता वृद्धि गर्न क्षमतामुलक सीप विकास गर्नुपर्नेमा जोड'

तनहुँ । क्रियाशिल महिला पत्रकार तनहुँको अध्यक्षमा विमला कँडेल निर्वाचित हुनुभएको छ । आज सम्पन्न आठौं साधारणसभा तथा चौथो अधिवेशनबाट पत्रकार कँडेलको अध्यक्षतामा नयाँ कार्यसमिति चयन भएको हो ।
नयाँ कार्य समितिको उपाध्यक्षमा सृजना राना, सचिवमा मिला दरै, कोषाध्यक्षमा शिला वाग्ले, सहसचिवमा करिष्मा गुरुङ निर्वाचित हुनुभएको छ । त्यसैगरी सदस्यहरुमा प्रकृति न्यौपाने, अन्जु दाहाल, रञ्जु सिग्देल, अप्सरा श्रेष्ठ, अस्मिता विक र मुना कालिराज चयन हुनुभएको छ ।

व्यास नगरपालिकाका उपप्रमुख मीरा जोशीले पत्रकारहरुको कलम संविधानको रक्षाका लागि चल्नुपर्नेमा जोड दिनुभयो । उहाँले वर्तमान संविधानमाथि कुठाराघात भएको भन्दै संविधानको रक्षार्थ पत्रकारहरु अग्रणी मोर्चामा उभिनु पर्ने धारणा व्यक्त गर्नुभयो ।

क्रियाशिल महिला पत्रकारका केन्द्रीय सदस्य दुर्गा अधिकारीले पत्रकारितामा महिलाहरुको गुणात्मक सहभागिता वृद्धि गर्न क्षमतामुलक सीप विकास गर्नुपर्नेमा जोड दिनुभयो ।

क्रियाशिल महिला पत्रकारका प्रदेश अध्यक्ष सरिता तिमिल्सिनाले लैङ्गिक समानता र न्यायको पक्षमा सशक्त रुपमा महिला पत्रकारहरुले कलम चलाउनु पर्ने विचार व्यक्त गर्नुभयो ।

कार्यक्रममा नेपाल पत्रकार महासंघ तनहुँका अध्यक्ष ओमकार आचार्य, पूर्वअध्यक्ष प्रदीप काफ्ले, प्रदेस सदस्य गोरा मियाँ, प्रेस संगठन तनहुँका संयोजक नारायण खड्का, प्रेस युनियन तनहुँका अध्यक्ष अमरराज नहर्की र सञ्चारिता समुहका तनहुँ सचिव सम्झना रसाईली लगायतले महिला पत्रकारहरुमाथि हुने असुरक्षा, विभेद र श्रमजीवी पत्रकारको हकहितका विषयमा खबरदारी गर्नुपर्ने बताउनु भएको थियो ।

प्रतिक्रिया