News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

संसद विघटनप्रति असहमति जनाउँदै सात मन्त्रीले दिए राजीनामा

'पूर्वमाओवादी गृहमन्त्री रामबहादुर थापा र उद्योगमन्त्री लेखराज भट्टले भने राजीनामा दिएका छैनन्'

काठमाडौं । प्रतिनिधिसभा विघटन गरिएकोमा असहमति जनाउँदै सातजना मन्त्रीले राजीनामा दिएका छन् । सत्तारुढ नेकपाका अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल समूहका सातजना मन्त्रीले राजीनामा दिएका हुन् । तर पूर्वमाओवादी गृहमन्त्री रामबहादुर थापा र उद्योगमन्त्री लेखराज भट्टले भने राजीनामा दिएका छैनन् ।

सामूहिक राजीनामा दिएका मन्त्रीहरुले प्रधानमन्त्री ओलीको कदम गैरसंवैधानिक, अलोकतान्त्रिक, जनादेशविपरीत तथा राजनीतिक मूल्य र स्थितरताको प्रतिकूल भएको विज्ञप्तिमा उल्लेख गरेका छन् ।

राजीनामा दिने मन्त्रीहरुमा गिरिराजमणि पोखरेल (शिक्षा, विज्ञान तथा प्रविधि मन्त्री), वर्षमान पुन (ऊर्जा, जलश्रोत तथा सिंचाइ मन्त्री), घनश्याम भुसाल (कृषि तथा पशुपन्छी विकास मन्त्री), योगेशकुमार भट्टराई (संस्कृति, पर्यटन तथा नागरिक उड्डयन मन्त्री), शक्तिबहादुर बस्नेत (वन तथा वातावरण मन्त्री), रामेश्वर राय यादव (श्रम तथा रोजगार मन्त्री) र बिना मगर (खानेपानी तथा सरसफाइ मन्त्री) रहेका छन् ।

प्रतिक्रिया