पोखरा, १३ पुस । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (माओवादी) कास्कीले प्रहरी दमन र हस्तक्षेपको विरोध गर्दै आइतबार पोखरामा मसाल जुलुश प्रदर्शन गरेको छ । आइतबार आज साँझ पोखराको विन्ध्यावासिनी मन्दिर नजिकबाट बागलुङ बसपार्कसम्म मसाल जुलुश प्रदर्शन गरिएको थियो ।

नेकपा माओवादीको भातृ संगठन अखिल (समाजवादी)का सचिवालय सदस्य तथा गण्डकी प्रदेश इन्चार्ज प्रकाश बास्तोला ‘मार्शल’का अनुसार अर्घाखाँचीको सितगंगास्थित जनकम्युनमा प्रहरीले गरेको दमन र हस्तक्षेपका विरुद्धमा देशव्यापी संघर्षका कार्यक्रमहरू घोषणा गरेको हो ।

नेकपा माओवादीको भातृ संगठन अखिल (समाजवादी)का सचिवालय सदस्य तथा गण्डकी प्रदेश इन्चार्ज प्रकाश बास्तोला ‘मार्शल’ ।

उनका अनुसार नेकपा माओवादीको स्थायी कमिटी बैठकले शनिबार यो निर्णय गरेको हो । प्रहरीको उक्त कारबाहीले पार्टीको केन्द्रीय कमिटीको तयारीमा अवरोध पु¥याएको भन्दै यो दमनकारी कदमको कडा विरोध गर्दै देशव्यापी आन्दोलनको घोषणा गरिएको उनले बताए ।

नेता बास्तोलाका अनुसार घोषित संघर्षका कार्यक्रमहरू अन्तर्गत पुस १२ गते बेलुका ६ बजे देशव्यापी मशाल जुलुस, पुस १३ गते दिउँसो २ बजे देशभर कोणसभा, पुस १४ गते दिउँसो २ बजे विरोध प्रदर्शन र पुस १५ गते दिउँसो १ बजे काठमाडौंमा अन्तरक्रिया कार्यक्रम रहेका छन् ।

नेकपा माओवादीले यी कार्यक्रमहरू शान्तिपूर्ण रूपमा सञ्चालन हुने जनाएको छ । साथैं सरकारलाई दमनकारी नीति त्याग्न चेतावनी दिएको छ। यसअघि पनि विप्लव माओवादीले विभिन्न मुद्दामा संघर्षका कार्यक्रमहरू गर्दै आईरहेको छ ।