प्रयागराज,३ फागुन । भारतीय रेलवेका अनुसार शनिबार बिहान ६ बजेसम्म प्रयागराज रेलवे स्टेशनबाट २.७९ लाख भन्दा बढी यात्रुहरू रेलबाट यात्रा गरेका छन् ।

शुक्रबार प्रयागराजबाट कुल ३२८ ट्रेनहरूमा १०.४७ लाख भन्दा बढी यात्रुहरूले यात्रा गरे । यसैबीच, केन्द्रीय मन्त्री पियुष गोयलले शनिबार प्रयागराजमा चलिरहेको महाकुम्भको भ्रमणलाइै भावनात्मक क्षणको रूपमा वर्णन गर्नुभयो ।

एएनआईसँग कुरा गर्दै उहाँले भन्नुभयो,“ विश्वको सबैभन्दा ठूलो धार्मिक कार्यक्रम भारतको सामूहिक भावनाको उदाहरण हो । यो वास्तवमै एक भावनात्मक क्षण हो, जुन म महाकुम्भमा आउन पाउँदा धन्य महसुस गर्छु ।”

“यो भारतको सामूहिक भावनाको उत्कृष्ट उदाहरण हो । भारत र विदेशबाट ५० करोड भन्दा बढी मानिसहरूले महाकुम्भको भ्रमण गरेका छन्, जसले भारतको बढ्दो शक्तिलाई देखाउँछ ।”

महाकुम्भको महत्व माथि प्रकाश पार्दै उहाँले युवाहरुलाई हिन्दू परम्परासँग जोडिन प्रेरित गर्ने बताउनुभयो । यसैबीच, पवित्र त्रिवेणी सङ्गममा पवित्र स्नान गर्न शनिबार ठूलो सङ्ख्यामा भक्तजन भेला भएका छन् ।

उत्तर प्रदेश सरकारका अनुसार त्रिवेणी सङ्गममा आज बिहान ९ बजेसम्म ३३ लाख २४ हजारभन्दा बढी भक्तजनले स्नान गरेका थिए ।   (रासस/एएनआई)