१‘पोखरा महानगरविरुद्ध सबैभन्दा बढी उजुरी’
२छोरेपाटन प्रहरी चौकीको मर्मतसम्भार र पुनःनिर्माण सम्पन्न, सहयोगीहरू सम्मानित
३सिद्धार्थ क्लबको अध्यक्षमा सुनिल श्रेष्ठ
४बागलुङमा माटोको ढिस्कोले पुरिएर दुईजना मजदुरको मृत्यु
५शैक्षिक परामर्श व्यवसायलाई थप व्यवस्थित, व्यावसायिक र प्रविधिमैत्री बनाउने
६‘जेनजी प्रदर्शनकारीको बिगो नखुलेका करिब १ सय मुद्दा फिर्ता लिन सकिने’ : अध्ययन समिति
७पोखरामा आगामी शनिबार पर्वतीय दौड, तयारी अन्तिम चरणमा
८पर्वतमा बाढी पहिरोका कारण तीनसय परिवार विस्थापित
९स्थानीय तह निर्वाचनको तयारीमा जुट्यो रास्वपा
१०‘बेगनास फिस फेस्टिभल’ सफल बनाउन ऐक्यबद्धता
११पोखरा विश्वविद्यालयको एक अर्ब ७५ करोड ८० लाखको बजेट पारित
१२आईजीपी दानबहादुर कार्कीमाथि भ्रष्टाचारको आरोप, छानबिन गर्न ९ सदस्यीय विशेष समिति गठन
१पोखरामा ठूलो मात्रामा लागूऔषधसहित ६ जना पक्राउ
२किम्रुङ खोला पहिरो खसेर थुनिएपछि उच्च सतर्कता अपनाउन आग्रह
३सिभिल सहकारी ठगी मुद्दामा इच्छाराज तामाङलाई साढे ५ वर्ष कैद सजाय
४रसुवा बाढी : १३६६ जनाको शव फेला, ४०७७ जना अझै सम्पर्कविहीन
५डुलुवाको अध्यक्षमा योगेश भट्टराई
६सहारा खेलकुद पत्रकारिता पुरस्कार रोहितराज पराजुलीलाई
७पोखराको फोटोग्राफी क्षेत्रको समग्र इतिहास समेटिएको विशेष स्मारिका सार्वजनिक
८‘पेन्सन पट्टा’ : पहाडको माटो, लाहुरेको आँसु र प्रेमको धुनले दर्शकलाई रुवायो
९मल्टिमिडिया पत्रकारिता तालिम सम्पन्न
१०आज जेनजी शहीद दिवस : देशभरि सार्वजनिक बिदा
११इन्द्रसरोवरमा गाडी दुर्घटनामा परी ४ जनाको मृत्यु
१२माछापुच्छ्रे बैंकको ६ प्रतिशत लाभांश घोषणा
पोखरा, २४ माघ । इमेज बचत तथा ऋण सहकारी संस्थाका संस्थापक अध्यक्ष तथा ढोरपाटन नगरपालिकाका मेयर देवकुमार नेपालीले सहकारीकै रकमले घरजग्गा किनेको स्वीकार गर्दै अब बचतकर्ताहरुलाई नैं फिर्ता गर्ने बताएका छन् । राज्यका निकायले वातावरण बनाई दिएमा आफू घरजग्गा बेचेर रकम फिर्ता गर्न तयार रहेको पनि उनको भनाई थियो ।
सहकारी ठगीमा फरार रहेका मेयर नेपालीले सहकारीको रकम दुरुपयोग गरी आफू र पत्नी छेलाका नाममा घरजग्गा जोडेकोले जनताको बचतको रकम र बैंकको ऋण समेतबाट किनिएका उक्त जग्गा र घरहरु फिर्ता गर्न तयार भएको विज्ञप्ति मार्फत् नैं सार्वजनिक गरेका छन् ।
गत मंगलबार एक विज्ञप्ति जारी गर्दै उनले भनेका छन्,–‘हामी जनताको बचत फिर्ता गर्न घर जग्गा बेच्न पनि तयार छौं । प्रहरीको रेड कर्नर नोटिस, अदालतमा परेको मुद्दा र संघर्ष समितिमार्फत आक्रोशित जनताका कारण त्यो बिक्री गर्ने वातावरण बनेको छैन ।’
यस अघि फरार मेयर गत मंसिर ५ गते फेसबुक लाइभमा आएर बचतकर्ताको रकम फिर्ता गर्ने बताएका थिए । सहकारी पीडित बचतकर्ताले दुई साताअघि बहुमत शेयर सदस्य मिलेर विशेष साधारण सभाको आयोजना गर्दै बैंकमा धितोमा रहेका घरजग्गा बेचेर बचतकर्ताको रकम फिर्ता गर्ने निर्णय गरेका थिए । लगत्तै मेयर नेपालीको नाममा रहेका घरजग्गाको कित्तासमेत उल्लेख गरेर लिलाम बिक्रीको प्रक्रिया शुरु भएको थियो ।
फरार मेयर नेपालीले ती घरजग्गा खरिदका क्रममा बचतकर्ताको १ अर्ब ५४ करोड रुपैयाँ हिनामिना गर्नुका साथै राष्ट्रिय सहकारी बैंक, गरिमा बिकास बैंक र ग्लोबल आईएमई बैंक समेतमा ३५ करोड रुपैयाँ ऋण लिएको देखिएको छ ।
एकहजार ५ सय ४८ बचतकर्ताको रकम हिनामिना गरेको आरोपमा अध्यक्ष नेपालीसहित सहकारीका तत्कालीन व्यवस्थापकहरु विरुद्ध सहकारी ठगी मुद्दा चलिरहेको छ । प्रहरीले सहकारीका कोषाध्यक्ष सहितका केही पदाधिकारी र सदस्यहरु पक्राउ गरेर अनुसन्धान गरिरहेको छ ।
इमेज सहकारी गत वैशाख ६ गतेदेखि तरलता अभाव देखाएर बन्द गरिएको थियो । गत जेठ ५ गतेदेखि नैं अध्यक्ष नेपाली फरार छन् । उनीविरुद्ध नेपाल प्रहरीको इन्टरपोलले रेडकर्नर नोटिससमेत जारी गरिसकेको छ । मेयर नेपाली राजनीतिक संरक्षणमा नेपाल मैं रहेको आशंका गरिएको छ ।
बाढी पहिरो पीडितको राहत रकम समेत छाडेनन् मेयर नेपालीले
ढोरपाटनका मेयर देबकुमार नेपालीले चार वर्ष अघि संकलन गरिएको राहत रकमसमेत तत्कालीन नगर उपप्रमुखसहित अन्यको नाममा चेक बनाएर हिनामिना गरेका थिए ।
पीडितका नाममा संकलन भएको ३ करोड रुपैयाँ नगरपालिकाको खातामा नभेटिएपछि गत असारमा नीति तथा कार्यक्रम र बजेट निर्माणको बेला यो विषय सार्वजनिक भएको थियो । त्यतिबेला मेयर नेपाली श्रीमतीसहित फरार भइसकेका थिए । कार्यवाहक नगर प्रमुखका रुपमा उपप्रमुख धनबहादुर कायतले बजेट ल्याएका थिए ।
