News Portal

ताजा शिर्षकहरु

चर्चित शिर्षकहरु

प्रमुख समाचार स्वास्थ्य

गण्डकी प्रदेशमा कोरोना संक्रमित ३० दिने शिशुसहित ४ जनाको मृत्यु

पोखरा । गण्डकी प्रदेशमा कोरोना संक्रमणका कारण ३० दिने शिशुसहित ४ जनाको मृत्यु भएको स्वास्थ्य निर्देशनालय गण्डकी प्रदेशले जानकारी दिएको छ । यस प्रदेशमा कोरोना संक्रमणका कारण मृत्यु हुनेको संख्या एकसय पुगिसकेको छ ।

एसपिरेसन निमोनियाको समस्याका कारण ती शिशुको आज विहान १२ः१५ बजे पोखरा स्वास्थ्य विज्ञान प्रतिष्ठान पोखरामा उपचारका क्रममा निधन भएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा.विनोद विन्दु शर्माले जारी गरेको विज्ञप्तिमा उल्लेख छ ।

कोरोना संक्रमण कैं कारण पोखरा–१७ का ७५ वर्षीय पुरुषको आज विहान ९ः०० बजे गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई कार्तिक १४ गते कोरोना संक्रमणको पुष्टि भएको थियो ।

पोखरा–१० का ५७ वर्षीय कोरोना संक्रमित पुरुषको पनि हिजो राती ११ः३० बजे पोखरा स्वास्थ्य विज्ञान प्रतिष्ठान पोखरामा उपचारको क्रममा निधन भएको छ । ती पुरुषलाई कार्तिक २ गते कोरोना संक्रमणको पुष्टि भएको थियो । उनीमा निमोनिया र हाइपरटेन्सन लगायतका समस्याहरु रहेको स्वास्थ्य निर्देशनालय गण्डकी प्रदेशले जानकारी दिएको छ ।

त्यसैगरी बाग्लुङ जैमिनी नगरपालिका वडा नं. ९ का २९ वर्षीय पुरुषको पनि कोरोना संक्रमणको उपचारका क्रममा हिजो राती ८ः५० बजे पोखरा स्वास्थ्य विज्ञान प्रतिष्ठानमा निधन भएको छ । ती युवालाई कार्तिक ८ गते कोरोनाको संक्रमण पुष्टि भएको थियो । ती युवालाई निमोनिया्को समस्या देखिएको थियो ।

पछिल्लो २४ घण्टाको अध्यावधिक विवरण अनुसार यस प्रदेशमा एकसय ९६ जना नयाँ कोरोना संक्रमित थपिएका छन् । जस अनुसार नवलपरासीमा २९ जना, स्याङ्जामा १२ जना, बागलुङमा १२ जना, कास्कीमा एकसय ८ जना, तनहुँमा २७ जना, लमजुङमा ३ जना, गोरखामा १ जना र पर्वतमा ४ जना रहेको स्वास्थ्य निर्देशनालय गण्डकी प्रदेशले जानकारी दिएको छ ।

प्रतिक्रिया