News Portal

ताजा शिर्षकहरु

चर्चित शिर्षकहरु

अन्तर्राष्ट्रिय खेलकुद प्रमुख समाचार

८२ वर्षको उमेरमा विश्वविख्यात खेलाडी पेलेको निधन

ब्राजिलका विश्वविख्यात खेलाडी पेले

पोखरा । ब्राजिलका विश्वविख्यात खेलाडी पेलेको ८२ वर्षको उमेरमा निधन भएको छ । मृगौंला र प्रोस्टेटको समस्याबाट पीडित खेलाडी पछिल्लो समय क्यान्सरबाट पनि ग्रसित थिए । अस्पतालका अनुसार पेलेको निधन मल्टी अर्गान फेलका कारण भएको हो ।

पेलेकी छोरी केलि नासिमेन्तोले बिहीबार राति सामाजिक सञ्जालमा बुबाको निधन भएको भन्दै ‘हाम्रो लागि सबथोक दिएकोमा धन्यवाद, हामी सदा माया गरिरहने छौं । हार्दिक श्रद्धाञ्जली ।’ व्यक्त गरेकी थिईन् ।

पेलेले आफ्नो २१ वर्षे फुटबल करिअरमा १ हजार तीनसय ६३ खेलमा १ हजार २ सय ८१ टोल गरेका थिए । विश्वकप फुटबलको उपाधि तीनपटक जित्ने एक्ला खेलाडी पेलेले आफ्नो देशका लागि ९२ खेलमा ७७ गोल गरेका थिए । १९५८, १९६२ र १९७० को विश्वकपमा ब्राजिललाई जिताउन उनको मुख्य भूमिका थियो । पेलेलाई फिफाले २००० मा प्लेयर अफ द सेन्चुरीको उपाधिले सम्मान गरेको थियो ।

उनको निधनमा विश्वभरबाट शोक व्यक्त भइरहेको छ । कतार वर्ल्ड कपको विजेता अर्जेन्टिनी फुटबलर मेसी, क्रिष्टियानो रोनाल्डो, नेयमार लगायतले पनि उनको निधनमा शोक व्यक्त गरेका छन् । साथै ब्राजिलियन फुटबल संघले पनि ‘पेले अल टाइम महान खेलाडीभन्दा पनि अझैमाथि थिए र प्रेरणदायी थिए । पेलेले आफ्नो यात्रामा प्रेरणा र मायाहरु छाडेर गएका छन् । उनी आज शान्तसँग स्वर्गवास भएका छन् । सधैँ उनलाई माया नै माया रहने छ ।’