काठमाडौँ, १२ फागुन । युक्रेनका राष्ट्रपति भोलोदिमिरले जेलेन्स्कीले आमनागरिकलाई रुसविरुद्ध लड्न हतियार दिने भएको छ । हतियार चाहने जोकोही नागरिकालाई पनि हतियार उपलब्ध गराइने युक्रेन सरकारले बताएको छ ।

रुसले आक्रमण सुरु गरेसँगै युक्रेनले रुससँगको कूटनीतिक सम्बन्ध पनि तोडेको छ । युक्रेनी सञ्चारमाध्यमका अनुसार रुसले युक्रेनमा सैन्य आक्रमण सुरु गरेसँगै हतियार चलाउन सक्ने जोकोहीलाई पनि हतियार उपलब्ध गराउने राष्ट्रपतिले निर्णय गरेका छन् ।

रुससँगको तनाव बढेसँगै केही सातायता युक्रेनले आफ्ना आमनागरिक तथा पूर्व सुरक्षाकर्मीहरुलाई सैन्य तालिमसमेत दिन सुरु गरेको थियो । युक्रेनमाथि रुसले गरेको सैन्य आक्रमणको विश्वभर निन्दा भइरहेको छ । रुसले युक्रेनका विभिन्न क्षेत्रमा क्षेप्यास्त्र आक्रमण पनि सुरु गरिसकेको छ ।