काठमाडाै‌ । दक्षिण भारतीय फिल्म (कन्नड)का चर्चित अभिनेता पुनित राजकुमारको ४६ वर्षको उमेरमा निधन भएको छ।

शुक्रबार बिहान जिममा वर्कआउट गर्ने क्रममा हृदयघात भएपछि उनलाई शुक्रबार बिहानै बंगलुरुस्थित विक्रम अस्पतालमा भर्ना गरिएको थियो। भारतीय सञ्चार माध्यमहरुका अनुसार अस्पतालमा उपचारका क्रममा उनको निधन भएको हो।

पुनितको निधनपछि कर्नाटक शोकमा डुबेको छ। राज्यका सबै थिएटर बन्द गरिएका छन्। उनका प्रशंसकहरुलाई नियन्त्रणमा राख्नका लागि सुरक्षा व्यवस्था कडा पारिएको थियाे। पुनितको निधनमा शोक व्यक्त गर्न कर्नाटकका मुख्यमन्त्री बसवराज बोम्बईसमेत अस्पताल पुगेका थिए।

पुनितका पिता समेत दक्षिण भारतीय फिल्मका चर्चित अभिनेता थिए। उनी कन्नड फिल्मका पहिलो अभिनेता थिए जसले दादासाहेब फाल्के अवार्ड मिलेको थियो।

राष्ट्रिय पुरस्कारबाट सम्मानित भएका पुनितले भने आफ्नो करिअरको सुरुवात बाल कलाकारको रुपमा गरेका थिए। पुनितको निधनप्रति यतिखेर भारतका थुप्रै कलाकारहरूले दुख व्यक्त गर्दै श्रद्धाञ्जली व्यक्त गरिरहेका छन्।