स्याङ्जा, १ कार्तिक । जवरजस्ती करणी मुद्दामा फरार रहेका एक व्यक्तिलाई प्रहरीले पक्राउ गरेको छ। जिल्ला स्याङ्जा, वालिङ नगरपालिका वडा नम्बर १४ पेखुदेउराली बस्ने २५ वर्षीय सागर खवासलाई वडा प्रहरी कार्यालय वालिङबाट खटिएको विशेष अपरेसन टोलीले पक्राउ गरेको हो।

२०८१ वैशाख १४ गते परेको पीडितको जाहेरीका आधारमा खवासविरुद्ध जवरजस्ती करणी कसूरमा मुद्दा दर्ता भएको थियो। उनी लामो समयदेखि फरार थिए। प्रहरीले शुक्रबार (हिजो) मा वालिङ नगरपालिका वडा नम्बर-१ ओडारेमा लुकिछिपी बसेको अवस्थामा उनलाई पक्राउ गरिएको प्रहरी नायव उपरीक्षक प्रसन्नराज चौधरीले जानकारी दिएका छन् ।

पक्राउ परेका खवासमाथि थप अनुसन्धान र कानूनी प्रक्रिया अगाडि बढाइएको वडा प्रहरी कार्यालय वालिङले बताएको छ।