पोखरा, ३० असार । संसदीय पत्रकार मञ्च गण्डकी प्रदेशको छैटौं साधारण सभा र चौथो अधिवेशनले नयाँ नेतृत्व चयन गरेको छ। बिसन क्षेत्री मञ्चको अध्यक्षमा चुनिएका छन् । उनले रोहित पराजुलीलाई ४ मतले पछाडि पार्दै जित हासिल गरे ।

बाह्रखरी अनलाइन र ढोरपाटन दैनिकमा कार्यरत क्षेत्रीले २० मत पाए भने सेतोपाटी अनलाइनका पराजुलीले १६ मत प्राप्त गरे ।

उपाध्यक्षमा कान्तिपुर पब्लिकेसनका अनुप पौडेल निर्वाचित भए । उनले सेतोपाटी अनलाइनका युबराज श्रेष्ठलाई १० मतले हराए । पौडेलले २३ मत पाउँदा श्रेष्ठले १३ मतमा चित्त बुझाए ।

कोषाध्यक्षमा राष्ट्रिय समाचार समिति (रासस) का ऋषिराम बराल विजयी भए। उनले १९ मत ल्याएर गोर्खा पत्र दैनिक र समाधान पत्रिकाका फडिन्द्र अधिकारीलाई पछाडि पारे। अधिकारीले १७ मत पाए।

सचिवमा युनिश गुरुङ र सहसचिवमा उमा आले निर्विरोध चुनिए । त्यस्तै, कार्यसमिति सदस्यहरूमा दुर्गा राना, विमल तिवारी, अनिता घिमिरे, प्रतीक्षा काफ्ले, सञ्जय रानाभाट र सुवास पौडेल पनि निर्विरोध निर्वाचित भए ।