News Portal

ताजा शिर्षकहरु

चर्चित शिर्षकहरु

खेलकुद प्रमुख समाचार

‘पोखरालाई ‘स्पोर्टस हव’ को रूपमा विकास गर्ने’ : मुख्यमन्त्री

'साहसिक खेलकुदसँगै फुटबल, भलिबल क्रिकेटजस्ता खेलमा युवापुस्तालाई अगाडि बढाउने'

पोखरा, ३ असोज । नेपाली अग्रज खेलाडीहरूको छाता संस्था नेपाल भूतपूर्व खेलाडी मञ्चको अध्यक्षमा पूर्वअन्तर्राष्ट्रिय भलिबल खेलाडी हरिप्रसाद पराजुली निर्विरोध निर्वाचित हुनुभएको छ । मञ्चको पोखरामा आज सम्पन्न ११औँ साधारणसभा तथा सातौँ अधिवेशनले आगामी तीन वर्षका लागि पराजुलीको अध्यक्षतामा २१ सदस्यीय कार्यसमिति चयन गरेको हो । यसैगरी मञ्चको प्रथम उपाध्यक्षमा दिलबहादुर गुरुङ, द्वितीय उपाध्यक्षमा खेमबहादुर गुरुङ, महासचिवमा कृष्ण तिमिल्सिना, सचिवमा केशव पाठक, कोषाध्यक्षमा महेश पौडेल र सहकोषाध्यक्षमा हरिबहादुर बरुवाल निर्विरोध निर्वाचित हुनुभयो ।

सदस्यमा यामबहादुर गुरुङ, दिनेशकुमार श्रेष्ठ, ओमबहादुर गुरुङ, भरतकुमार आले, विश्व तण्डुकार, हरिश्वर पोखरेल, पुष्पा श्रेष्ठ, इन्द्रा मल्ल, शान्ति थापा, रामबहादुर क्षेत्री, गजबहादुर गुरुङ, ज्वाला थापा, सम्मरबहादुर थापा र रमेशकुमार श्रेष्ठ रहनुभएको छ । अधिवेशनको उद्घाटन गर्दै गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखरालाई ‘स्पोर्टस हव’ को रूपमा विकास गर्ने गरी सरकारले योजना कार्यक्रम ल्याउने बताउनुभयो । उहाँले गण्डकी प्रदेशलाई साहसिक खेलकुदसँगै फुटबल, भलिबल क्रिकेटजस्ता खेलमा युवापुस्तालाई अगाडि बढाउने उल्लेख गर्दै खेलाडी राष्ट्रिय र अन्तर्राष्ट्रिय क्षेत्रमा ‘एक्सपोज’ हुन आवश्यक रहेको बताउनुभयो ।

मञ्चको अधिवेशनका अवसरमा पत्रकारितामार्फत पोखरा म्याराथनलाई योगदान पु¥याएको भन्दै फोटो पत्रकार राम गुरुङलाई नगद रु १० हजारसहित सम्मान गरिएको थियो । मुख्यमन्त्री नेपालीले उहाँलाई पुरस्कृत गर्नुभयो । पाकिस्तानमा भइरहेको यु–१२ आइटिएफ टेनिसमा सङ्लग्न दर्शिल श्रेष्ठलाई नगद रु १० हजारसहित सम्मान गरिएको थियो । मञ्चले पूर्वअन्तर्राष्ट्रिय खेलाडी डमबहादुर पुनलाई खेलकुद क्षेत्रमा पु¥याएको योगदानको कदर गर्दै सम्मान गरेको छ । यसैगरी मञ्चका पूर्वअध्यक्ष प्रा डा विरेन्द्रसिंह गुरुङलाई उहाँको खेलकुदप्रतिको योगदान स्परूप सम्मान गरिएको थियो ।