सिर्जना बराल
लमजुङ । लमजुङको बेँसीशहर नगरपालिका वडा नं. ११ चिति बरबोटमा बस्ने सिमान्तकृत चेपाङवस्तीमा दशैं मनाउनका लागि खाद्यान्न सामग्री बितरण गरिएको छ । जिल्ला प्रशासन कार्यालय लमजुङका प्रमुख जिल्ला अधिकारी कृष्णप्रसाद शर्मा र नेपाल पत्रकार महासंघ लमजुङका अध्यक्ष आस गुरुङले संयुक्त रुपमा खाद्यान्न वितरण गर्नुभएको हो ।
राहत वितरण गर्दै प्रमुख जिल्ला अधिकारीः लमजुङको बेँसीशहर नगरपालिका वडा नं.११ चिति बरबोटमा बस्ने सिमान्तकृत चेपाङवस्तीमा खाद्यान्न सामग्री बितरण गर्दै जिल्ला प्रशासन कार्यालय लमजुङका प्रमुख जिल्ला अधिकारी कृष्णप्रसाद शर्मा ।
सरकारको जनता आवास कार्यक्रम अन्तर्गत चेपाङ वस्तीमा घर निर्माण गरे पनि अहिलेको विषम परिस्थितिमा १४ घरपरिवारलाई खाद्यान्न अभाव भएको सञ्चारमाध्यमहरुमा आएपछि वस्तीमा नै पुगी खाद्यान्न हस्तान्तरण गरिएको हो ।