पोखरा । गण्डकी प्रदेश सभामा आज बजेट पारित गर्ने क्रममा प्रतिपक्ष दल नेकपा एमालेका सांसदहरुले वितण्डा नै मच्चाएका छन् । अर्थमन्त्री समेत रहेका मुख्यमन्त्री कृष्णचन्द्र नेपाली पोखरेललाई रोक्न खोज्दै प्रतिपक्ष एमालेका सांसदहरुले रोष्टम घेराऊ गर्नुका साथै नाराबाजी गरेका थिए ।

नेकपा एमालेका सांसद एवं पूर्वमन्त्री रामशरण बस्नेतले विरोधका क्रममा टेबुल उचालेर फालेका थिए । चर्को नाराबाजी बिचमा उत्तेजित एमालेका सांसदहरुको प्रवाह नगर्दै मुख्यमन्त्री पोखरेलले बजेट पारित गराई छाडेका छन् ।

आज प्रदेशसभाको बैठकमा सरकारले आर्थिक वर्ष २०७८/७९ को बजेट पारित गर्ने कार्यसूची रहेको थियो । बैठक सुरु हुने वित्तिकै नेकपा एमालेका सांसदले रोष्टम घेराउ गर्दै तोडफोडमा उत्रिएका हुन् ।