News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

वेपत्ता सोमबहादुर विक ‘ज्योती’को १९ औं खोजसभा सम्पन्न

'सोमबहादुरलाई राज्य पक्षले अस्पतालबाट पक्राउ गरी वेपत्ता बनाएको थियो'

पोखरा । विरामी अवस्थामा आफन्तको उपचारका लागि जाँदा राज्य पक्षबाट वेपत्ता बनाईएका सोमबहादुर विक ‘ज्योति’को १९ औं खोजसभा सम्पन्न भएको छ । २०५९ असार २३ गते राज्य पक्षले सोमबहादुर विकलाई वेपत्ता बनाएको थियो ।

वि.सं. २०५६ देखि नेकपा माओवादीमा संगठित भएर सर्वहारा, गरिब, निमुखा र सुकुम्वासीको हकहितका लागि संगठन निर्माण गर्दै संर्घरत सोमबहादुरलाई राज्यले पश्चिमाञ्चल क्षेत्रीय अस्पतालबाट पक्राउ गरी वेपत्ता बनाएको थियो । माओवादीको ईलाकास्तरको जिम्मेवारी सम्हालेका ज्योति लगायत धेरै कार्यकर्ताहरुको स्थिति आजसम्म पनि सार्वजनिक हुन सकेको छैन ।

बुबा मनबहादुर विश्वकर्मा र आमा ओमकुमारी विश्वकर्माको कोखबाट वि.सं.२०३२ वैशाख २८ गते साबिक लेखनाथ नगरपालिका वडा नं. १३ हाल पोखरा महानगरपालिका वडा नं. ३२ खुदीखोलामा सोमबहादुरको जन्म भएको थियो ।

पटक–पटक तत्कालिन माओवादीका अध्यक्ष पुष्पकमल दाहाल ‘प्रचण्ड’ नेतृत्वको दल सरकारमा गए पनि वेपत्ताहरुको न त खोजि नै गरिएको छ, न त यो विषयलाई गम्भिरताका साथ लिएर सम्बोधन नै भएको छ । कतिपय योद्धाहरुलाई त वर्षको १ दिन पनि तत्कालिन माओवादीका नेता तथा कार्यकर्ताहरुले सम्झिन छाडिसकेको अवस्था छ ।

नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी कास्कीले वेपत्ता सोमबहादुर कैं खुदीस्थित घरमा पुगी खोजसभा सम्पन्न गरेको छ । नेकपाका केन्द्रीय सदस्य पूर्णजीत पुन ‘उभार’को प्रमुख आतिथ्यतामा भएको कार्यक्रममा कास्की सेक्रेटरी गोकुल पराजुली, सहिद पुत्र एवं विद्यार्थी नेता प्रकाश बास्तोला ‘मार्शल’, माओवादी केन्द्रका वडा अध्यक्ष अर्जुन मल्ल र नेकपाका कास्की जिल्ला सदस्य काजी गुरुङ लगायतले वेपत्ता तथा सहिदहरुले देखेको सपना पुरा गरेरै छाड्ने प्रतिवद्धता व्यक्त गरे । कार्यक्रममा वेपत्ता पारिएका सोमबहादुरकी बहिनी सोममाया विकले दाइको जिवनी प्रस्तुत गरेकी थिईन् ।

डनन्यूज ट्रेन्डिङ