News Portal

ताजा शिर्षकहरु

चर्चित शिर्षकहरु

प्रमुख समाचार स्वास्थ्य

कास्कीमा सार्वजनिक सवारी साधन सञ्चालनमा रोक

'अत्यावश्यक काममा बाहेक घरबाहिर ननिस्कन र हिँडडुल नगर्न निर्देशन'

पोखरा । नयाँ भेरियन्टसहितको कोभिड–१९ को संक्रमण तीव्ररुपमा फैलिएको भन्दै जिल्ला प्रशासन कार्यालय कास्कीले निषेधाज्ञा (लकडाउन)लाई कडा बनाएको छ । प्रशासनले वैशाख २१ गतेदेखि वैशाख ३१ गते रातको १२.०० बजेसम्मका लागि सार्वजनिक सवारी साधन सञ्चालनमा रोक लगाएको हो ।

कोभिड–१९ संकट व्यवस्थापन समिति कास्कीको आइतबार साँझ बसेको बैठकले २१ गतेदेखि सवारी साधन सञ्चालनमा समेत रोक लगाउने निर्णय गरेको हो । जिल्ला प्रशासन कार्यालय कास्कीले आइतबार सूचना जारी गर्दै नयाँ भेरियन्टसहितको कोभिड–१९ सङक्रमण तीव्ररूपमा फैरिहेको भन्दै सर्वसाधारणलाई अत्यावश्यक काममा बाहेक घरबाहिर ननिस्कन र हिँडडुल नगर्न निर्देशन दिईएको छ ।

‘वैशाख २१ गते बिहान ५.०० बजेदेखि वैशाख ३१ गते रातको १२.०० बजेसम्मका लागि सार्वजनिक सवारी साधन सञ्चालनमा रोक लगाईएको छ,’ सहायक प्रमुख जिल्ला अधिकारी श्रीनाथ पौडेलले भने–‘ अत्यावश्यक सरकारी कामकाजका लागि प्रयोग हुने सरकारी सवारी साधन बाहेकका यात्रुबाहक सार्वजनिक तथा निजी सवारी साधन सञ्चालनमा रोक लगाइएको हो ।’

‘होटल, रेष्टुरेण्ट, चिया तथा खाजा पसल, मोटेल, नाचघर, क्लब, डान्सबार, दोहोरी साँझ, फनपार्क, रंगशाला, फुट्सल, खेलकुद स्थल, जिमखाना, फिटनेश सेन्टर, स्पा, स्वीमिङ पुल, ब्युटी पार्लर, शैलुन, सुनचाँदी, टेलरिङ, फुटपाथ पसलहरु लगायतका सेवा एवम् स्थलहरु नखोल्ने तथा सञ्चालन नगर्ने निर्देशन जारी गरेका छौं,’ सहायक सिडिओ पौडेलले भने, ‘विवाह, व्रतवन्ध एवम् अन्य संस्कारजन्य कार्यक्रमहरु पार्टी प्यालेस तथा होटलमा सञ्चालन गर्न नपाइने र घरमा सञ्चालन हुँदा १८ जना भन्दा बढि व्यक्ति सहभागी हुन पाउँदैनन् ।’

अत्यावश्यक काममाबाहेक घर बाहिर ननिस्कन र हिडडुल नगर्न भनिएको छ भने सबै प्रकारका सभा, सम्मेलन, गोष्ठी, तालिम, सेमिनार सञ्चालन गर्न, मानिसहरु भेला जम्मा हुन, भीडभाड गर्न पनि बन्देज लगाइएको छ । सबै किसिमका धार्मिकस्थलमा स्वास्थ्य मापदण्ड कायम गरी नियमित पूजाआजा बाहेकका अन्य कार्य नगराउन आदेशमा भनिएको छ ।

औषधि एवम् स्वास्थ्य सामग्रीका पसल भने २४ सै घण्टा खुल्नुका साथै दैनिक उपभोग्य खाद्यान्न, फलफूल, माछामासुका लागि बिहान ५ः०० बजेदेखि दिउँसो १ः०० बजेसम्म सञ्चालन गर्न सकिने छ ।

प्रतिक्रिया