News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

दीपक मनाङ्गे खेलकुदमन्त्री

'मनाङ्गे गुण्डागर्दी एवम् अपराधिक पृष्ठभूमि भएका कुख्यात पात्र हुन्'

तस्विरमा मन्त्री बनेका दीपक मनाङ्गे र उनको साथमा गुण्डा चक्रे मिलन । यिनै गुण्डा नाइके चक्रे मिलनको हात मनाङ्गे समूहले छिनाली दिएपछि ज्यानसम्बन्धी मुद्दामा मनाङे कारागार चलान भएका थिए । तस्विर साभार

पोखरा । गण्डकी प्रदेशका मुख्यमन्त्री पृथ्वीसुब्बा गुरुङले सांसद दीपक मनाङ्गे (राजिव गुरूङ)लाई युवा तथा खेलकुद मन्त्रालयको जिम्मेवारी दिईएको छ । सामाजिक विकास मन्त्रालय फुटाएर मुख्यमन्त्री गुरुङले मनाङ्गेलाई मन्त्री बनाउन लागेका हुन् ।

अविश्वासको प्रस्ताव दर्ता भएपछि वार्गेनिङ गर्दै मुख्यमन्त्री गुरुङका पक्षमा उभिएका मनाङ्गेलाई खेलकुद मन्त्रीको जिम्मेवारी दिईएको छ । सरकार नै संकटमा परेको बेलामा अनेकन् तिकडम गर्दै मुख्यमन्त्री गुरुङले मन्त्रिपरिषद् विस्तार गरेका हुन् ।

ठमेल क्षेत्रमा गुण्डागर्दी गरेर बदनामी कमाएका अपराधिक पृष्ठभूमिका मनाङ्गे मन्त्री हुँदा थप राजनीतिमा वितृष्णाको उचाई चुलिएको छ । मन्त्री बनेका दीपक मनाङ्गेले गुण्डा नाइके चक्रे मिलनको हात छिनाली दिएपछि ज्यानसम्बन्धी मुद्दामा काठमाडौंको डिल्लीबजार कारागार चलान भएका थिए । सत्ता जोगाउन जस्तो पात्रलाई पनि राजनीतिमा चुन्ने प्रवृत्तिले गलत पात्रहरुले यसरी स्थान पाउँदै गएका छन् ।

युवा तथा खेलकुद मन्त्रालय थपिएसँगै गण्डकी प्रदेशमा मुख्यमन्त्रीसहित आठ सदस्यीय मन्त्रिपरिषद विस्तार भएको छ ।

प्रतिक्रिया