News Portal

ताजा शिर्षकहरु

चर्चित शिर्षकहरु

अर्थ-बिजनेश प्रमुख समाचार

‘लेखनाथलाई नयाँ शहरका रुपमा विकास गर्दै महानगरपालिका’

'सबैभन्दा महङ्गो योजनामा सडक विस्तार, एकसय शैयाको महानगर तथा विशिष्ट बाल अस्पताल बनाउने गरी योजना'

पोखरा । पोखरा महानगरपालिकाका मेयर मानबहादुर जिसीले लेखनाथ नगरपालिका पोखरामा गाभिए पनि यसलाई नयाँ शहरका रुपमा विकास गर्न लागिपरेको बताए । मेयर जिसीले भने–‘लेखनाथ नगरपालिका पोखरामा गाभिएकोमा हिनताबोध नगर्नुहोस्, झन् यस लेखनाथलाई व्यवस्थित र नयाँ शहरका रुपमा विकास गर्न हामी लागिपरेका छौं ।’

समृद्धि बचत तथा ऋण सहकारी संस्था पोखरा–२७ को छैटौं स्थापना दिवसका अवसरमा आयोजित रक्तदान कार्यक्रममा बोल्दै मेयर जिसीले नेपालको सबैभन्दा महङ्गो योजनामा तालचोकदेखि बेगनासतालसम्मको सडक विस्तार हुन लागेको र यसलाई नयाँ शहरको रुपमा विकास गर्ने महानगरको योजना रहेको खुलासा गरे ।

मेयर जिसीले साविक लेखनाथ नगरपालिकामा एकसय शैयाको महानगर अस्पताल तथा विशिष्ट बाल अस्पताल बनाउने गरी योजना अघि बढाईएको पनि जानकारी दिए ।

कार्यक्रममा मेयर जिसीले पहिलो रक्तदाता लेखनाथ उद्योग बाणिज्य संघका अध्यक्ष बलराम ढकाललाई ब्लड ब्याग हस्तान्तरण गरी कार्यक्रमको शुभारम्भ गरिएको थियो । कार्यक्रममा नेपाल उद्योग बाणिज्य संघका केन्द्रिय सदस्य एवं सहकारीका सल्लाहकार बाबुराम गिरीले सहकारीहरुले मुनाफा, वोनस र शेयरसदस्यको हित भन्दा पनि समग्र लगानी क्षेत्रको पहिचान गरी रोजगारीको अवस्था सिर्जना गर्नुपर्नेमा जोड दिए ।

कार्यक्रममा सहकारी संस्थाका अध्यक्ष सुमन भट्टराईले सहकारीहरुमा कति प्रतिशत मुनाफा भयोे भन्नु भन्दा पनि कुन क्षेत्रमा लगानी गरी दिर्घकालिन रुपमा कस्तो रोजगारीको अवस्था सिर्जना भयो भन्ने तर्फ सोच्न जरुरी रहेको उल्लेख गरे ।

संस्थाका सचिव नवराज तिवारीले संस्थाको बार्षिकोत्सवका अवसरमा आयोजना गरिएका विभिन्न क्रियाकलापका विजयी प्रतियोगितलाई पुरस्कार र मायाको चिनो बितरण गरिएको थियो ।

संस्थाका झण्डै एक सय ७० शेयर सदस्य मार्फत् करिव १० करोड रुपैयाको कारोवार गरेका छन् । लेखनाथमा आधुनिक कोल्डस्टोर स्थापना गर्ने उद्देश्य सहित स्थापना भएको सहकारीले सो उद्देश्यका लागि गृहकार्य गरे पनि सफलता भने हात पार्न सकेको छैन ।

प्रतिक्रिया