News Portal

ताजा शिर्षकहरु

चर्चित शिर्षकहरु

प्रमुख समाचार

‘महिला आयोगमा जाँदा न्याय पाइन्छ’

'हिंसामा परेका महिलाले न्याय पाउने गरी काम गर्ने प्रतिबद्धता': अध्यक्ष पराजुली

काठमाडौँ । राष्ट्रिय महिला आयोगका अध्यक्ष कमला पराजुलीले आफ्नो कार्यकालमा ‘महिला आयोगमा जाँदा न्याय पाइन्छ’ भन्ने विश्वास दिलाउने गरी काम गर्ने बताउनुभएको छ ।

आयोगले १११औँ अन्तरराष्ट्रिय महिला दिवसका अवसरमा आज आयोजित पत्रकार–अन्तक्र्रिया कार्यक्रममा उहाँले आयोगबाट हिंसामा परेका महिलाले न्याय पाउने गरी काम गर्ने प्रतिबद्धता व्यक्त गर्नुभएको हो ।

अध्यक्ष पराजुलीले जनसङ्ख्याका आधारमा आधा हिस्सा ओगटेका महिलाको विषयमा सबैले गम्भीरतापूर्वक सोच्नुपर्ने र महिलामाथि हिंसा गर्ने पीडितलाई दोषी ठहर गर्ने अभियानसमेत सञ्चालन गर्ने तयारी रहेको योजना सुनाउनुभयो ।

उहाँले शिक्षा, विज्ञान तथा प्रविधिमन्त्रीसँग छलफल गरी महिला हिंसाका बारे बालबालिकालाई जानकारी दिन पाठ्यक्रममा नै समावेश गर्न सुझाव दिइएको जानकारी दिनुभयो ।

अध्यक्ष पराजुलीले बालिका र किशोरीमाथि विद्यालय, कार्यस्थल वा परिवारकै आफन्तबाट नै हिंसाका घटना आउने गरेको हुँदा हिंसामुक्त समाज निर्माणका लागि सचेतना कार्यक्रम नै सञ्चालन गर्नुपर्ने जरुरी रहेको बताउनुभयो ।

सञ्चारिका समूहका अध्यक्ष नितु पण्डित, पूर्वाध्यक्ष निर्मला शर्मा, क्रियाशील पत्रकार समूह (डब्लुडब्लुजे) का अध्यक्ष निर्मला आचार्य, नेपाल पत्रकार महासङ्घका सचिव लक्ष्मी पुनलगायतले महिला हिंसाको घटना न्यूनीकरणका लागि आयोगले काम गर्नुपर्ने र त्यसका लागि पत्रकारिताका क्षेत्रबाट गर्नसक्ने सहयोग गर्ने प्रतिबद्धता व्यक्त गर्नुभएको थियो ।

प्रतिक्रिया

डनन्यूज ट्रेन्डिङ