जनकपुरधाम । श्रीमानविरुद्ध उजुरी दिन आएकी ३५ वर्षीय महिला होटलमा मृत फेला परेकी छिन् । ती महिला दुई दिन अघि आफ्ना श्रीमानविरुद्ध उजुरी दिन जिल्ला प्रहरी कार्यालय धनुषामा पुगेकी थिईन् । प्रहरीमा उजुरी दिएर दुई दिनदेखि होटलमा नै बसेकी जलेश्वर नगरपालिका वडा नं. २ बस्ने समीक्षा पोखरेल पाण्डे झुण्डिएको अवस्थामा भेटिएकी हुन् ।

जनकपुरधाम उपमहानगरपालिका वडा नं. ७ स्थित नमस्कार होटलमा मृत भेटिएकी समीक्षाको मृत्युका सम्बन्धमा प्रहरीले थप अनुसन्धान गरिरहेको छ ।