पोखरा । प्रतिबन्धित नेपाल कम्युनिष्ट पार्टीका गण्डक ब्यूरो सदस्य निरु थापालाई तत्काल रिहाई गर्न माग गरिएको छ । नेकपा गण्डक ब्यूरो इञ्र्चाज शिवाले एक प्रेस विज्ञप्ति जारी गर्दै अविलम्ब रिहाईको माग गर्नुभएको हो ।

गत माघ ३ गते टोखा नगरपालिका काठमाडौंमा बाटोमा हिडिरहेको अवस्थामा प्रहरीले गण्डक ब्यूरो सदस्य थापालाई पक्राउ गरेको थियो । विज्ञप्तिमा एकपछि अर्को संकटमा फस्दै र असफल बन्दै गईरहेको केपी सरकारको गृहप्रशासनले गण्डक ब्यूरो सदस्य थापालाई पक्राउ गरेको घटनाको भत्र्सना गरिएको छ । साथै दलाल पुजीवादी सत्ताका विरद्ध निरन्तर संघर्षरत रहेको उल्लेख छ ।

पार्टीले सञ्चालन गर्दै आएको दलाल संसदीय व्यवस्था, राष्ट्रघात, जनघात र भ्रष्टाचार विरोधी अभियानबाट आतंकित केपी सरकारले विगतदेखि दलमाथि प्रतिबन्ध लगाउँदै हत्या, गिरफ्तारी र झुट्ठा मुद्दासहित दमनलाई तीव्र पार्दै आएको विज्ञप्तिमा उल्लेख छ ।

त्यसैगरी, पछिल्लो समय गिरफ्तार पर्नु भएका केन्द्रीय सचिवालय सदस्य धर्मेन्द्र बास्तोलामाथि लगाईएको झुठो मुद्दा, धरपकट र जनदमनको विरोधमा माघ १० गते आह्वान गरिएको नेपाल बन्दलाई सफल पार्न सम्पूर्ण रुपले सहयोग गर्न विज्ञप्तिमा सबैसँग आग्रह गरिएको छ ।

गण्डक ब्यूरो इञ्चार्ज शिवाले बन्दलाई सम्पूर्ण रुपले सहयोग गर्दै केपी सरकारको फाँसीवाद, निरंकुशता र अलोकतान्त्रिक कदमका विरुद्ध संगठित हुँदै संघर्षमा आउन सबै देशभक्त, बामपन्थी, लोकतन्त्रवादी र सच्चा कम्युनिष्ट शक्तिहरुमा विशेष अनुरोध गर्नुभएको छ ।