News Portal

ताजा शिर्षकहरु

चर्चित शिर्षकहरु

अर्थ-बिजनेश समाचार

‘आर्थिक पत्रकारिता पुरस्कार’ राजभण्डारीलाई

बागलुङ । बागलुङ उद्योग वाणिज्य सङ्घमा स्थापित ‘आर्थिक पत्रकारिता पुरस्कार’ नयाँ विश्व अनलाइनका सम्पादक मुकेशचन्द्र राजभण्डारीलाई प्रदान गरिएको छ । रु ११ हजार १११ राशिको सो पुरस्कार आज आयोजित सङ्घको ५७औँ साधारणसभामा पूर्वप्रधानन्यायाधीश कल्याण श्रेष्ठ र नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले संयुक्तरूपमा राजभण्डारीलाई प्रदान गर्नुभयो ।

पुरस्कारका लागि सङ्घले गत वर्ष पुसमा सञ्चालित बागलुङ महोत्सवमा बचत भएको रकमबाट रु दुई लाख २२ हजार २२२ को अक्षयकोष स्थापना गरेको थियो । आर्थिक विषयमा कलम चलाउने पत्रकारलाई बर्सेनि पुरस्कृत गरिने सङ्घका महासचिव नरेश कँडेलले जानकारी दिनुभयो । नेपाल पत्रकार महासङ्घ बागलुङ शाखाका पूर्वअध्यक्षसमेत रहनुभएका राजभण्डारीले पहिलो पुरस्कार प्राप्त गर्नुभएको हो ।

प्रतिक्रिया