News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

राष्ट्रपतिद्वारा राष्ट्रिय सभा अधिवेशन आह्वान

'संविधानको धारा ९३ को उपधारा १ बमोजिम पुस १७ गते शुक्रबार दिउँसो ४ बजेका लागि अधिवेशन आह्वान'

काठमाडौँ । राष्ट्रपति विद्यादेवी भण्डारीले यही पुस १७ गतेका लागि राष्ट्रिय सभाको अधिवेशन आह्वान गर्नुभएको छ । राष्ट्रपति भण्डारीले नेपालको संविधानको धारा ९३ को उपधारा १ बमोजिम पुस १७ गते शुक्रबार दिउँसो ४ बजेका लागि राष्ट्रिय सभा अधिवेशन आह्वान गर्नुभएको हो ।

आज राष्ट्रपति कार्यालयका सहायक प्रवक्ता केशवप्रसाद घिमिरेले विज्ञप्ति जारी गर्दै राष्ट्रदेवी भण्डारीले राष्ट्रिय सभा अधिवेशन आह्वान गर्नुभएको जानकारी दिनुभएको हो ।

मन्त्रिपरिषद्को शुक्रबार राति बसेको बैठकले संघीय संसद् राष्ट्रिय सभाको हिउँदे अधिवेशन बोलाउन राष्ट्रपतिलाई सिफारिस गर्ने निर्णय गरेको थियो । सोही अनुसार राष्ट्रपतिले राष्ट्रिय सभा अधिवेशनको आह्वान गर्नुभएको हो ।

संघीय संसदको प्रतिनिधिसभा भने प्रधानमन्त्री खड्गप्रसाद ओलीको सिफारिसमा राष्ट्रपति भण्डारीले पुस ५ गते नै विघटन गरिसक्नु भएको छ । यसअघिको संसद् अधिवेशन असार तेस्रो साता अन्त्य भएको थियो ।

प्रतिक्रिया

डनन्यूज ट्रेन्डिङ