News Portal

ताजा शिर्षकहरु

चर्चित शिर्षकहरु

अन्तर्राष्ट्रिय प्रमुख समाचार राजनीति

विवाद मिलाउन उच्चस्तरीय चिनियाँ टोली आज नेपाल आउँदै

'ओली समूह र प्रचण्ड–नेपाल समूहले चीनको यो पहलकदमी निकै ढिला भईसकेको बताएका छन् '

काठमाडौं । नेपालमा राजनीतिक संकट बढ्दै गईरहेको बेलामा चिनियाँ राष्ट्रपति सि चिनिफिङको सन्देश बोकेर उच्चस्तरीय राजनीतिक टोली आज नेपाल आउँदैछ । चिनियाँ कम्युनिष्ट पार्टी, केन्द्रिय कमिटी, अन्तर्राष्ट्रिय विभाग उपमन्त्री गुओ येझाउको नेतृत्वमा अन्तर्राष्ट्रिय विभाग महानिर्देशक छुइ यान लगायतको ६ सदस्यीय टोली आज काठमाडौं आउन लागेको हो ।

चिनियाँ अधिकारीहरुको भ्रमणको उद्देश्यका बारेमा स्पष्ट नभनिए पनि सत्तारुढ नेपाल कम्युनिष्ट पार्टीले गरेको संसद विघटन र पार्टीमा देखिएको विभाजनका विषयमा बुझ्न र सहमति गराउन टोली नेपाल आएको बुझिएको छ ।
पटक–पटक सत्तारुढ दल फुटको नजिक पुग्दा सहमति गराउन सफल चीन यसपाली असफल देखिएको छ । चिनियाँ राजदूत होउ यान्छीले पछिल्लो घटनाका विषयमा वेइजिङमा समयमा नै खबर पु¥याउन र घटनाका विषयमा सही आँकलन गर्न नसक्दा उच्चस्तरीय राजनीतिक टोली नेपालमा आउन ढिला भएको हो ।

चार दिन नेपालमा रहने उक्त टोलीमा उच्च चिनियाँ राजनीतिज्ञ तथा सरकारी अधिकारीहरु रहेका छन् । टोलीले राष्ट्रपति, प्रधानमन्त्री र अन्य दलका शीर्ष नेताहरुलाई भेट्ने कार्यक्रम रहेको छ । यद्यपि ओली समूह र प्रचण्ड–नेपाल समूहले चीनको यो पहलकदमी निकै ढिला भईसकेको जानकारी दिएका छन् ।

प्रतिक्रिया