News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

अखिल क्रान्तिकारीका विद्यार्थी नेता प्रकाश र पुरन पक्राउ

'पक्राउ परेकाहरु मध्ये धेरै बनभोजमा मात्र सहभागी हुन आएका साधारण विद्यार्थीमात्र'

पोखरा । अखिल क्रान्तिकारी कास्कीका जिल्ला ईञ्चार्ज एवम् केन्द्रीय सदस्य प्रकाश बाँस्तोला ‘मार्शल’ र कास्कीका नवनिर्वाचित अध्यक्ष पुरन पुन लगायत दर्जनौं विद्यार्थीहरु पक्राउ परेका छन् । यतिबेला विद्यार्थी नेताहरुलाई जिल्ला प्रहरी कार्यालय कास्कीमा राखिएको छ ।

आज सम्पन्न अखिल क्रान्तिकारी कास्कीको २३ औं जिल्ला सम्मेलन पश्चात् आयोजित बनभोज कार्यक्रममा जिल्ला प्रहरी कार्यालय कास्कीले ती विद्यार्थी नेतासहित सहभागी अन्य विद्यार्थीहरुलाई पक्राउ गरेको हो । पक्राउ परेकाहरु मध्ये धेरै बनभोजमा मात्र सहभागी हुन आएका साधारण विद्यार्थीमात्र रहेको पनि अखिल क्रान्तिकारीले जानकारी दिएको छ । जिल्ला सम्मेलन आज पोखरा (लेखनाथ)को दिपाङ ताल नजिकै विहानदेखि शुरु भएर दिउँसो चारबजे समापन भएको थियो ।

१२८ औं माओ दिवसको अवसरमा आयोजना गरिएको अखिल क्रान्तिकारीको २३ औं जिल्ला सम्मेलनमा अखिल क्रान्तिकारीका केन्द्रीय कोषाध्यक्ष नरेन्द्र विक, प्रतिबन्धित नेपाल कम्युनिष्ट पार्टी कास्कीका इन्चार्ज उभार, कास्कीका सेक्रेटरी विश्वास, अखिल क्रान्तिकारीका केन्द्रीय सचिवालय सदस्य मिलन राई, अखिल क्रान्तिकारीका गण्डक ब्यूरो इन्चार्ज काजी गुरुङ लगायतका नेताहरुको उपस्थिति रहेको थियो ।

प्रतिक्रिया