काठमाडौं । संसद विघटन अगाडि नै प्रधानमन्त्री खड्गप्रसाद ओली विरुद्ध अविश्वासको प्रस्ताव दर्ता भएको छ । आज विहान नेकपाका अध्यक्ष पुष्पकमल दाहाल ‘प्रचण्ड’ र वरिष्ठ नेता माधव कुमार नेपाल पक्षका सांसदले प्रधानमन्त्री विरुद्ध अविश्वासको प्रस्ताव संसद सचिवालयमा दर्ता गराएका थिए ।

नेकपा अध्यक्ष पुष्पकमल दाहाल र माधवकुमार नेपाल पक्षका ८९ भन्दा बढी सांसदले संसद सचिवालयमा प्रधानमन्त्रीविरुद्ध अविश्वासको प्रस्ताव दर्ता गरेका थिए । संसद् सचिवालय स्रोतका अनुसार बिहानै भीम रावल र पम्फा भुसाललगायतले अविश्वासको प्रस्ताव दर्ता गरेका हुन् । संसद् सचिवालय स्रोतका अनुसार आइतबार साढे १० बजेपछि अविश्वासको प्रस्ताव दर्ता गरिएको हो ।

प्रधानमन्त्री केपी शर्मा ओलीले आइतबार बिहान मन्त्रिपरिषद्को आकस्मिक बैठक बोलाएर मध्यावधि निर्वाचनमा जाने प्रस्ताव राखे पछि प्रचण्ड र नेपाल पक्षका सांसदले ओलीविरुद्ध अविश्वास प्रस्ताव दर्ता गराएका थिए ।