News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

शिक्षक श्रेष्ठ प्रतिकारमा मारिएको विद्रोही नेकपाको भनाई

'पार्टीविरुद्ध सुराकी गर्दै आएको र सच्चिन चेतावनी दिदाँ पनि नसुध्रिएको': ईञ्चार्ज प्रताप

पोखरा । नेत्रविक्रम चन्द ‘विप्लव’ नेतृत्वको प्रतिबन्धित नेपाल कम्युनिष्ट पार्टीले शिक्षक राजेन्द्र श्रेष्ठको हत्याको जिम्मेवारी लिएको छ । नेकपाको मेची–कोसी व्यूरोका ईन्चार्ज प्रतापले आज एक प्रेस वक्तव्य जारी गर्दै सम्झाउन खोज्दा हतियार लिएर आक्रमण गर्न आएकोले प्रतिकारका क्रममा मृत्यु भएको उल्लेख गर्नुभएको छ ।

नेकपा मेची–कोसी व्यूरो इन्चार्ज प्रतापले जारी गरेको विज्ञप्तिमा मोरङ मिक्लाजुङ वडा नं. १ का शिक्षक श्रेष्ठले पार्टीविरुद्ध लामो समयदेखि सुराकी गर्दै आएको र सच्चिन पटक–पटक सुझाव तथा चेतावनी दिदाँ पनि नसुध्रिएको उल्लेख छ ।

श्रेष्ठले २०७६ फागुन २६ गते पार्टीको मेची–कोसी व्यूरोको वैठकका क्रममा प्रहरी बोलाएर दमन गराएको, जनमुक्ति सेनाको अभियानमा सशस्त्र प्रहरी ल्याएर अप्रेसनसमेत सञ्चालन गराएको आरोप विज्ञप्तिमा लगाईएको छ । त्यसैगरी २०७७ कार्तिक १२ गते व्यूरो ईन्चार्ज बसेको स्थानमा प्रहरी अप्रेसन गराई व्यूरो सदस्य काशिराम घिमिरे र विज्ञान राईलाई गिरफ्तार गराएको तथा पार्टीको महत्वपूर्ण सामग्रीसहित एकलाख रुपैयाँ लुट्न सघाउन गरेको आरोप प्रतिबन्धित नेकपाले शिक्षक श्रेष्ठमाथि लगाएको छ ।

जनताको घर–घरमा पटक–पटक प्रहरी पठाएर नेकपाका नेता–कार्यकर्ताहरुलाई बस्न–खान दिए तातो गोली खान्छौं भनेर जनतालाई आतंकित पार्ने काम गरेको आरोप शिक्षक श्रेष्ठमाथि लागेको छ । पार्टी विरोधी गतिविधि रोक्न, आफूलाई सच्याउन भनी सम्झाउन जाँदा पनि उग्र गतिविधि गर्दै आईरहेको ईन्चार्ज प्रतापको वक्तव्यमा उल्लेख छ ।

यसपटक पनि सम्झाउन जाँदा हतियार लिएर आक्रमण गर्न आईलागेकाले प्रतिकारका क्रममा ५२ वर्षीय शिक्षक श्रेष्ठको मृत्यु हुन गएको नेकपाका ईञ्चार्ज प्रतापले उल्लेख गरेका छन् ।

प्रतिक्रिया