News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

प्रधानमन्त्रीसहित देशको नाम भ्रष्टाचारको अग्रसूचीमा

प्रतिवेदनमा भनिएको छ–‘भ्रष्टाचारको आरोप लागेका आफ्ना सहकर्मीको प्रतिरक्षा गर्न प्रधानमन्त्री आफैं अघि सर्ने गरेका छन् ।'

पोखरा । ‘आर्थिक समृद्धि’को मूल नारा बोकेर दुईतिहाईको जनमत प्राप्त सरकार झनै भ्रष्टाचार र वेथितिको दलदलमा फस्दै गएको छ । ट्रान्सपरेन्सी इन्टरनेसनल एसियाले सार्वजनिक गरेको ‘ग्लोबल करप्सन ब्यारेमिटर एसिया’को प्रतिवेदन–२०२०मा नेपाल एसिया कैं सबैभन्दा अगाडि देखिनुले भ्रष्टाचारको कहाली लाग्दो अवस्थालाई पुष्टि गरेको छ ।

मतसर्वेक्षण अनुसार पछिल्ला वर्ष देशमा भ्रष्टाचार बढेको र एसियाका १७ देशहरुमा यो सबैभन्दा उच्च रहेको छ । मत सर्वेक्षणमा दक्षिण एसियाका भारत, श्रीलंका, माल्दिभ्स र बंगलादेश, दक्षिणपूर्वी एसियाका कम्बोडिया, मलेसिया, इन्डोनेसिया, म्यानमार, फिलिपिन्स, थाईल्याण्ड र भियतनाम समावेश भएका थिए । त्यसैगरी पूर्वीएसिया र मध्यएसियाका देशहरुमा चीन, जापान, मंगोलिया, दक्षिण कोरिया, ताइवानका तथ्याङ्क पनि ग्लोबल करप्सन ब्यारोमिटर एसियाको रिपोर्टमा समावेश छन् ।

‘म भ्रष्टाचार पनि गर्दिन र भ्रष्टाचारीको मुख पनि हेर्दिन’ भनेर हजारौं पटक भाषण गर्ने प्रधानमन्त्री खड्गप्रसाद ओली कैं नाम नै ट्रान्सपरेन्सीको प्रतिवेदनमा उल्लेख हुनु लज्जास्पद र दुखद घटना हो । ‘यद्यपि, प्रधानमन्त्री केपी ओलीले भ्रष्टाचार नियन्त्रणका लागि पटक-पटक घोषणा गरेको छन्, तर उनको प्रशासनले यसको लागि निकै कम काम गरेको छ,’प्रतिवेदनमा भनिएको छ–‘बरु, भ्रष्टाचारको आरोप लागेका आफ्ना सहकर्मीको प्रतिरक्षा गर्न प्रधानमन्त्री आफैं अघि सर्ने गरेका छन् । स्वतन्त्र न्यायिक प्रणालीले अनुसन्धान गर्न नपाउँदै प्रधानमन्त्रीले आफ्ना सहकर्मीलाई सफाई दिने गरेका छन् ।’

प्रधानमन्त्री ओलीले भ्रष्टाचारमा मुछिएका व्यक्तिहरुको पटक–पटक प्रतिरक्ष गर्दै आईरहेका छन् । अख्तियार लगायतका राज्यका निकायहरुलाई स्वतन्त्र रुपमा छानबिन गर्न नै दिइएको छैन । भ्रष्टाचार अनुसन्धानको जिम्मा पाएको स्वतन्त्र निकायले हालसम्म कुनै पनि ठुला तथा नीतिगत भ्रष्टाचारका मुद्दामा अनुसन्धान गर्नै सकेको छैन ।

एकातर्फ आफ्नै पार्टीका अध्यक्ष पुष्पकमल दाहाल ‘प्रचण्ड’ले विभिन्न यस्तै आरोपहरु लगाई रहेको बेलामा अहिले ट्रान्सपरेन्सी इन्टरनेसनल एसियाले सार्वजनिक गरेको तथ्यले झनै पुष्टि गरेको छ । देशमा प्रधानमन्त्री ओलीले भ्रष्टाचारलाई संस्थागत रुपमा संरक्षण गर्दै लगिरहेका छन् । कुनै पनि नैतिकता र ईमानको डर नभएका प्रधानमन्त्री ओलीलाई यस प्रतिवेदनले खासै असर नगरे पनि विश्व माझमा देशको छवि भने बिग्रदैं गईरहेको छ ।

प्रतिक्रिया