गोरखा । अखिल (क्रान्तिकारी) गण्डक व्यूरोले विभिन्न जिल्लाहरुमा सातौं पार्टी पुनर्गठन दिवस मनाएको छ । संगठनको गोरखा जिल्ला समितिको आयोजनामा पालुङटार नगरपालिका कैं एक विद्यालयमा अन्तरक्रिया कार्यक्रमको आयोजना गर्दै विद्यार्थीहरुलाई स्वास्थ्य सामग्री (माक्स, साबुन, सेनीटाईजर) तथा चकलेट वितरण गरेको थियो ।

उक्त कार्यक्रममा जिल्ला पार्टी सेक्रेटरी जनमले प्रतिबन्धले क्रान्तिको यात्रा नरोकिने बताएका थिए । विशेष अतिथि संगठनका केन्द्रिय सदस्य तथा व्यूरो संयोजक काजी गुरुङले आमविद्यार्थीको अधिकारको सुनिश्चितताका लागि वैज्ञानिक समाजवादी शिक्षा र वैज्ञानिक समाजवाद बिना असम्भव रहेकोमा जोड दिएका थिए ।

कार्यक्रमको सञ्चालन जिल्ला संयोजक शैलेस क्षेत्रीले गरेका थिए । कार्यक्रममा बिद्यालयका प्रधानाध्यापकले शुभकामना मन्तव्य राखेका थिए । यसैगरी अखिल(क्रान्तिकारी) कास्की र पिएन जिल्लाले पनि कोणसभा लगायत विभिन्न कार्यक्रम गरी पार्टी पुनर्गठन दिवस मनाएको संगठनका केन्द्रीय सदस्य प्रकश बास्तोलाले जानकारी दिएका छन् ।