बागलुङ, २३ फागुन । बागलुङका दुवै प्रतिनिधिसभा सदस्य पदमा राष्ट्रिय स्वतन्त्र पार्टी (रास्वपा)का उम्मेदवारहरू विजयी भएका छन् । यसले जनमोर्चाको पुरानो गढ भत्किएको छ ।

क्षेत्र नम्बर १ मा रास्वपाका सुशील खड्काले २०,९२७ मत प्राप्त गरी जित हासिल गरेका छन् । निकटतम प्रतिद्वन्द्वी नेपाली कांग्रेसका भीमबहादुर राना (वा भीम श्रीस राना)ले ११,९४४ मत पाए । नेकपा एमालेका हिराबहादुर खत्रीले ८,६४० मत र राष्ट्रिय जनमोर्चाका कृष्णप्रसाद शर्माले ४,५२१ मत प्राप्त गरे ।

यसैगरी बागलुङ क्षेत्र नम्बर २ मा रास्वपाका सोम शर्माले १२,६४७ मतसहित विजयी भए । नेपाली कांग्रेसका टेकराज पौडेलले ११,८६८ मत पाए । नेकपा (ज्ञामनाथ गैरे)ले १०,७०९ मत र एमालेकी मन्जु शर्माले ७,८६४ मत ल्याए ।

क्षेत्र नम्बर २ मा नेकपाका उम्मेदवारलाई जनमोर्चाले सहयोग गरेको थियो भने क्षेत्र नम्बर १ मा जनमोर्चाका उम्मेदवारलाई नेकपाले सहयोग गरेको थियो । यसअघि क्षेत्र नम्बर १ बाट जनमोर्चाका अध्यक्ष चित्रबहादुर केसीले पटक–पटक जित्दै आएका थिए ।