समावेशी व्यवस्था, दलित–महिला–जनजाति–मधेसी–मुस्लिम समुदायका हकअधिकारको सुनिश्चितता र स्थानीय तहसम्मको संघीय संरचना यही संघर्षको उपज हो । अधिकारीजस्ता योद्धाहरूले आफ्नो जीवन, परिवार र स्वास्थ्यलाई दाउमा राखेर यो परिवर्तन हासिल गरेका थिए ।

गोरखा, १४ फागुन । गोरखाका मतदाताले विगतको संघर्षलाई सम्झेर, घाइते योद्धा र सहिद परिवारको पीडालाई बुझेर निर्णय गर्नेमा नेपाल कम्युनिस्ट पार्टी (नेकपा) ले पूर्वसांसद हरिराज अधिकारी आशावादी देखिन्छन् ।

अधिकारी यतिबेला गोरखा क्षेत्र नम्बर १ बाट प्रतिनिधिसभाको सदस्यका लागि निर्वाचनमा होमिएका छन् । २०७४ सालको निर्वाचन जितेका उनी अहिले पुनः सांसद बन्ने लक्ष्यसहित जनताको घरघरमा पुगिरहेका छन् । संघर्षशिल, इमान्दार, जनयुद्धका घाइते र सहिद परिवारका सदस्य समेत रहेका अधिकारीलाई आमजनताले घरघरमा स्वागत गर्दै विगतको बलिदान र लगानीलाई खेर जान नदिने प्रतिवद्धता व्यक्त गरिरहेका छन् ।

गोरखाको गण्डकी गाउँपालिका–५ दर्बुङस्थित अलैंचेमा जन्मेका अधिकारीको बाल्यकाल गाउँमै बित्यो । भवगती माविमा कक्षा ७ को अध्ययनपछि उनी विजय भवानी मावि मकैसिङ गए । कम्युनिस्ट शिक्षा प्रचार गरेको भन्दै विद्यालयबाटै निकालिए ।

‘त्यतिबेला म कक्षा ९ मा पढ्थें,’ अधिकारीले भने, ‘कम्युनिस्ट शिक्षा प्रचार ग¥यो, अवैध गतिविधि ग¥यो भनेर मलाई स्कुलबाट निकालियो, अनि घ्याच्चोक गएर एसएलसी दिएँ ।’

अधिकारी संघर्षशील योद्धामात्र होइनन्, उनी जनयुद्धका घाइते र सहिद परिवारका सदस्य पनि हुन् ।

अध्ययनलाई निरन्तरता दिँदै उनी गोरखा क्याम्पसमा आईएड भर्ना भए । ब्याक पेपर भएपछि नेपालगञ्ज गएर महेन्द्र बहुमुखी क्याम्पसमा पुनः आईएडमा भर्ना भए । त्यसपछि गोरखा क्याम्पस आएर बीएडमा भर्ना भए र त्यहींबाट स्नातक उत्तीर्ण गरे ।

पूर्वसांसदको अनुभव र संगठनात्मक पकड रहेका अधिकारीको विगतमा जितेको आधार र विकासका कामको सक्रिय रुपमा सहभागी भएको अनुभव छ । साथै अधिकारी संघर्षशील योद्धामात्र होइनन्, उनी जनयुद्धका घाइते र सहिद परिवारका सदस्य पनि हुन् ।

अधिकारीको राजनीतिक यात्रा २०४१ सालबाट सुरु भएको हो । नेकपा मसालको पार्टी सदस्यता लिएर राजनीतिमा होमिएका उनी २०४५ सालमा पार्टीको जिल्ला सदस्य हुँदै २०४७ सालमा तत्कालीन जनमोर्चाको जिल्ला सचिव बने । २०४३ देखि २०४५ सम्म गोरखा क्याम्पसको स्ववियु सभापतिसमेत भए ।

यो निर्वाचन केवल व्यक्तिगत होइन, जनयुद्धका पीडा र बलिदानबाट प्राप्त उपलब्धिहरूको संरक्षण र थप सुदृढीकरणको परीक्षा पनि हो ।

यो जनयुद्धले हजारौं योद्धा, घाइते र सहिद परिवारलाई ठूलो पीडा दियो—परिवार गुमाउनेहरूको आँसु, घाइतेहरूको शारीरिक–मानसिक व्यथा र सहिदहरूको बलिदानले नै आजको गणतन्त्र र संघीय नेपालको जग बसालेको छ ।

२०५४ सालमा पार्टीको उपब्युरो सदस्य बनेका उनी केन्द्रीय सदस्य हुँदै जनयुद्धको समयमा ब्रिगेड कमिसारसम्म भए । विभिन्न जिल्लामा पार्टी प्रमुखको भूमिका निर्वाह गर्दै केन्द्रीय समितिमा निरन्तर रहँदै आएका छन् ।

जनयुद्धका घाइते अधिकारी २०६१ सालमा म्याग्दीको बेनी र सिन्धुपाल्चोकको चौतारा आक्रमणमा घाइते भएका थिए । शरीरका विभिन्न भागमा गोलीको छर्रा लागेको उनी बताउँछन् । यो जनयुद्धले हजारौं योद्धा, घाइते र सहिद परिवारलाई ठूलो पीडा दियो—परिवार गुमाउनेहरूको आँसु, घाइतेहरूको शारीरिक–मानसिक व्यथा र सहिदहरूको बलिदानले नै आजको गणतन्त्र र संघीय नेपालको जग बसालेको छ ।

राजतन्त्रको अन्त्य, समावेशी व्यवस्था, दलित–महिला–जनजाति–मधेसी–मुस्लिम समुदायका हकअधिकारको सुनिश्चितता र स्थानीय तहसम्मको संघीय संरचना यही संघर्षको उपज हो । अधिकारीजस्ता योद्धाहरूले आफ्नो जीवन, परिवार र स्वास्थ्यलाई दाउमा राखेर यो परिवर्तन हासिल गरेका थिए ।

नेकपा उम्मेदवार अधिकारी विगतका अनुभव, जनयुद्धमा गरेको योगदान र आफूले थालनी गरेका विकास निर्माणका कामहरू नै जितको मुख्य आधार रहेको बताउँछन् ।

२०७४ सालको निर्वाचनमा नेपाली कांग्रेसका चिनकाजी श्रेष्ठलाई पराजित गरेका अधिकारीलाई यो पटक सहज छैन । त्यतिबेला एमालेको साथ थियो, अहिले एक्लै लड्दैछन् । यसअघि माओवादी र कांग्रेस मुख्य प्रतिस्पर्धी रहँदै आएको गोरखा–१ मा अहिले राष्ट्रिय स्वतन्त्र पार्टी (रास्वपा) प्रवेश गरेको छ । रास्वपाका सुधन गुरुङ, कांग्रेसका प्रेम खत्री र एमालेका आरसी लामिछाने मुख्य प्रतिस्पर्धी देखिन्छन् ।

नेकपा उम्मेदवार अधिकारी विगतका अनुभव, जनयुद्धमा गरेको योगदान र आफूले थालनी गरेका विकास निर्माणका कामहरू नै जितको मुख्य आधार रहेको बताउँछन् । ‘म निर्वाचित हुँदा र नहुँदाको काम हेरे हुन्छ,’ उनी भन्छन्, ‘मेरो पालामा बेनीघाट–लार्के सडक र बुढीगण्डकी मुआब्जा वितरणको कामले तिव्रता पाएको थियो ।’ आफ्ना पालामा सकारात्मक कामको सुरुवात भएको भन्दै विगतका अनुभव प्रयोग गर्ने अवसर जनताले दिने अपेक्षा उनले गरेका छन् ।
गोरखाका जनता चुनावी घरदैलो कार्यक्रममा रमाउँदैं र स्वागत गर्दै ।

गोरखाका मतदाताले विगतको संघर्षलाई सम्झेर, घाइते योद्धा र सहिद परिवारको पीडालाई बुझेर निर्णय गर्नेछन् भन्ने अपेक्षा छ ।

चुनाव खर्च गरेर नभई स्वच्छ प्रतिस्पर्धाबाट जितिने उनको धारणा छ । अन्य प्रतिस्पर्धीबारे खासै बोल्न नरुचाएका उनले सुधन गुरुङलाई भने राजनीतिक यात्राका लागि शुभकामना दिँदै देशको विकास निर्माणमा अघि बढ्न सुझाव दिए ।

अधिकारीले भने, ‘युवा अवस्थामा राजनीतिमा प्रवेश गर्नुभयो, त्यो राम्रो हो । उहाँको यात्रा दिगो होस्, देशको विकासमा अघि बढ्नुहोस् भन्ने शुभकामना छ ।’

यो निर्वाचन केवल व्यक्तिगत होइन, जनयुद्धका पीडा र बलिदानबाट प्राप्त उपलब्धिहरूको संरक्षण र थप सुदृढीकरणको परीक्षा पनि हो ।

यो निर्वाचन केवल व्यक्तिगत होइन, जनयुद्धका पीडा र बलिदानबाट प्राप्त उपलब्धिहरूको संरक्षण र थप सुदृढीकरणको परीक्षा पनि हो । गोरखाका मतदाताले विगतको संघर्षलाई सम्झेर, घाइते योद्धा र सहिद परिवारको पीडालाई बुझेर निर्णय गर्नेछन् भन्ने अपेक्षा छ ।