धादिङ, ११ फागुन । धादिङको बेनिघाट रोराङ गाउँपालिका–५, भैँसीगौडास्थित पृथ्वीराजमार्गमा भएको बस दुर्घटनामा परेर मृत्यु भएका १९ जनाको नाम र ठेगाना पुष्टि भएको छ । उक्त दुर्घटनामा बसमा सवार यात्रुहरू मध्ये १९ जनाको मृत्यु भएको थियो भने २५ जना घाइते भएका थिए।

सोमबार बिहान करिब १ः२० पोखराबाट काठमाडौँतर्फ जाँदैं गरेको ग २ ख १४२१ नम्बरको यात्रुबस अनियन्त्रित भई सडकबाट झण्डै दुईसय मिटर तल त्रिशूली नदी किनारमा खसेको थियो।

जिल्ला प्रहरी कार्यालय धादिङका डिएसपी प्रकाश दाहालका अनुसार, पहिले ९ जनाको पहिचान खुलेकोमा पछिल्लो समय थप १० जनाको सनाखत भएसँगै सबै १९ मृतकको नाम र ठेगाना पुष्टि भएको हो।

पछिल्लो पटक सनाखत भएका मृतकहरूः
तनहुँका ६३ वर्षीय रूद्रप्रसाद ढकाल
२० वर्षीया अर्चना पौडेल (तनहुँ)
कास्कीकी २१ वर्षीया अञ्जली क्षेत्री
२१ वर्षीय रोहित नेपाली (कास्की)
स्याङ्जाका ४५ वर्षीय घनश्याम सुवेदी
काठमाडौंकी ३३ वर्षीया अनिशा महर्जन
मोरङकी २७ वर्षीया हिरा चौधरी
कास्कीका २६ वर्षीय सुजित नेपाली
भारतका ३२ वर्षीय मनिष शुक्ला
चीनकी ४० वर्षीया झाड्ड चुनचन

पहिले नै सनाखत भएका मृतकहरूः
पोखराका ४० वर्षीय विवेक बास्तोला
स्याङ्जाका ६३ वर्षीय चन्द्रबहादुर कुँवर
तनहुँका ४० वर्षीय ओमकुमार मल्ल
धादिङका ३० वर्षीय इन्जिनियर ठकुरी
तनहुँकी ५५ वर्षीया विष्णुमाया ढकाल
काठमाडौंका ४२ वर्षीय लोप्साङ गोले
तनहुँका ४५ वर्षीय हरिप्रसाद सिग्देल
पाल्पाका ५५ वर्षीय नविन्द्र श्रेष्ठ

यसबाहेक, दुर्घटनामा २४ वर्षीय बेलायती नागरिक स्टिवर्ट डोमिनिक इथनको पनि ज्यान गएको थियो।

दुर्घटनामा परी घाइते भएका १४ जनाको काठमाडौँको राष्ट्रिय ट्रमा सेन्टरमा उपचार भइरहेको छ। १० जनाको कलंकीस्थित नेसनल मेडिकल कलेज तथा एक जना न्यूजिल्यान्डकी मेरी इभाडेको टिचिङ अस्पतालमा उपचार जारी छ।

यो दुर्घटना पृथ्वी राजमार्गको जोखिमपूर्ण खण्डमा भएको हो, जसले सडक सुरक्षा र सवारी साधनको मापदण्डबारे पुनः बहस सिर्जना गरेको छ।