यादव लोकतान्त्रिक समाजवादी पार्टी (लोसपा)का पूर्वमहामन्त्री हुन् र २०७२ भदौ २५ मा महोत्तरीमा भएको मधेश आन्दोलनका क्रममा सशस्त्र प्रहरीका असई थमन विकको हत्यामा संलग्न रहेको अभियोगमा फरार थिए।

काठमाडौं, ३१ साउन । नेपाली कांग्रेसले पृष्ठभूमि जाँचबिना नै पार्टीमा प्रवेश गराइएका देवेन्द्र यादवको सदस्यता खारेज गरेको छ। यादव थमन विकको हत्यामा फरार अभियुक्त रहेको खुलासा भएपछि यो कदम चालिएको हो।

बिहीबार कांग्रेस सभापति शेरबहादुर देउवाले यादवलाई पार्टी सदस्यता प्रदान गरेका थिए। तर, शुक्रबार उनको पृष्ठभूमिबारे जानकारी आएपछि सदस्यता खारेज गरिएको छ। यादव लोकतान्त्रिक समाजवादी पार्टी (लोसपा)का पूर्वमहामन्त्री हुन् र २०७२ भदौ २५ मा महोत्तरीमा भएको मधेश आन्दोलनका क्रममा सशस्त्र प्रहरीका असई थमन विकको हत्यामा संलग्न रहेको अभियोगमा फरार थिए। उक्त मुद्दामा यादवसहित २८ जनाविरुद्ध कर्तव्य ज्यानको मुद्दा दर्ता छ।

बिहीबार कांग्रेस सभापति शेरबहादुर देउवाले यादवलाई पार्टी सदस्यता प्रदान गरेका थिए।

कांग्रेसका मुख्य सचिव कृष्णप्रसाद पौडेलले जारी गरेको विज्ञप्तिअनुसार, सभापति देउवा र महामन्त्री विश्वप्रकाश शर्माबीच छलफल भइरहेका बेला केही नेताले यादवलाई लिएर पार्टी कार्यालयमा प्रवेश गराई सदस्यता दिन आग्रह गरेका थिए। सोही आधारमा उनलाई सदस्यता दिइएको थियो। तर, यादवमाथि फौजदारी मुद्दा रहेको थाहा भएपछि तत्काल सदस्यता खारेज गरिएको र गृह प्रशासनको ध्यानाकर्षण गराइएको पौडेलले बताए। साथै, उनलाई पार्टीमा ल्याउने नेताहरूलाई पनि सचेत गराइएको छ।