यतिबेला, संगठन संकटको घडीमा छ, र जानुकाको उम्मेदवारीले नयाँ इतिहास रच्ने सुनौलो अवसरको संकेत गरेको छ।

लेखनाथ, ८ साउन । लेखनाथ उद्योग वाणिज्य संघ (लेउवासंघ) को २८ वर्षे इतिहासमा पहिलोपटक एक महिला नेतृ, जानुका अधिकारी पराजुली, अध्यक्ष पदका लागि चुनावी मैदानमा उभिएकी छन्। भदौं २० र २१ गते हुने संघको १५औँ अधिवेशन र २९औँ साधारणसभाले एउटा नयाँ इतिहास रच्दैंछ ।

यो उम्मेदवारी केवल व्यक्तिगत उपलब्धिको कथा मात्र होइन, यो महिला सशक्तीकरण, लैंगिक समानता र व्यवसायीहरूको छाता संगठनमा नयाँ नेतृत्वको उदयको प्रतीक हो। यतिबेला, संगठन संकटको घडीमा छ, र जानुकाको उम्मेदवारीले नयाँ इतिहास रच्ने सुनौलो अवसरको संकेत गरेको छ।

जानुकाको टिमलाई नेपाली कांग्रेस, नेकपा माओवादी केन्द्रलगायत विभिन्न संघ–संगठनको बलियो समर्थन प्राप्त छ।

जानुका अधिकारी लेउवासंघको नेतृत्वमा नयाँ पुस्ता र समावेशी सोचको प्रतिनिधित्व गर्छिन्। कोषाध्यक्ष, उपमहासचिव र महासचिवको जिम्मेवारी सम्हालिसकेकी जानुका अनुभव र नेतृत्व क्षमताको हिसाबले सशक्त उम्मेदवार हुन्।

उनको उम्मेदवारीलाई नेपाली कांग्रेस, नेकपा माओवादी केन्द्रलगायत विभिन्न संघ–संगठनको बलियो समर्थन प्राप्त छ। उनको प्यानलमा बरिष्ठ उपाध्यक्षमा गोपिचन्द्र बास्तोला, प्रथम उपाध्यक्षमा विक्रम कर्माचार्य, द्वितीय उपाध्यक्षमा ध्रुवबाबु भट्टराई, महासचिवमा भरत ओझा, उपमहासचिवमा गंगा मल्ल र कोषाध्यक्षमा हरि बस्ताकोटी छन्। यो प्यानलले अनुभव, युवा जोश र समावेशीताको संयोजनलाई प्रतिनिधित्व गर्दछ।

“लेउवासंघको नेतृत्वमा पहिलो महिला अध्यक्षको सम्भावना ऐतिहासिक छ। यो हाम्रा लागि गर्वको कुरा हो ।”

उनको प्रतिस्पर्धी, नेकपा एमालेको समर्थन प्राप्त राजेन्द्र ओझा, पनि बलियो उम्मेदवारको रूपमा मैदानमा छन्। उनको प्यानलमा बरिष्ठ उपाध्यक्षमा उपेन्द्र सुवेदी, प्रथम उपाध्यक्षमा मेनुका श्रेष्ठ, द्वितीय उपाध्यक्षमा धिरजकुमार श्रेष्ठ, महासचिवमा जीवन तिवारी, उपमहासचिवमा एल.पी. ढुंगाना र कोषाध्यक्षमा टिकाराम सापकोटा छन्। दुवै प्यानलबाट झन्डै दुई दर्जन सदस्यहरूले उम्मेदवारी दिएका छन्, जसले यो निर्वाचनलाई निकै प्रतिस्पर्धात्मक बनाएको छ।
जानुकाको उम्मेदवारीले व्यवसायी समुदायमा नयाँ उत्साह ल्याएको छ। विशेषगरी, युवा र महिला व्यवसायीहरू उनको उम्मेदवारीलाई लैंगिक समानता र सशक्तीकरणको सशक्त सन्देशको रूपमा हेर्दैछन्। “लेउवासंघको नेतृत्वमा पहिलो महिला अध्यक्षको सम्भावना ऐतिहासिक छ। यो हाम्रा लागि गर्वको कुरा हो,” एक स्थानीय व्यवसायीहरुले उत्साहित हुँदै डन न्यूजसँग भने।

जानुकाले आफ्नो अभियानमा पारदर्शिता, समावेशिता र व्यवसायीहरूको हितलाई प्राथमिकता दिने प्रतिबद्धता व्यक्त गरेकी छन्। उनले संगठनको छविलाई पुनस्र्थापित गर्न र व्यवसायीहरूका समस्यालाई सम्बोधन गर्न नीतिगत सुधार र प्रभावकारी नेतृत्वको खाँचो औंल्याएकी छन्। “हामीले संगठनलाई सबैको साझा थलो बनाउनुपर्छ। लैंगिक संवेदनशीलता र समावेशी नेतृत्वले मात्र यो सम्भव छ,” उनले भनिन्।

“हामीले संगठनलाई सबैको साझा थलो बनाउनुपर्छ। लैंगिक संवेदनशीलता र समावेशी नेतृत्वले मात्र यो सम्भव छ,” जानुकाले भनिन्।

विनोद श्रेष्ठको अमर्यादित व्यवहारले व्यवसायीहरू एकजुट भएका छन्। उनीहरूले यो घटनालाई संगठनको इतिहासमा कालो धब्बाको रूपमा लिएका छन्। व्यवसायीहरूले अबको नेतृत्वले संगठनको साख जोगाउन, लैंगिक संवेदनशीलता कायम गर्न र पारदर्शी ढंगले काम गर्न सक्नुपर्ने माग गरेका छन्। “हामीले यस्तो नेतृत्व चुन्नुपर्छ, जसले हाम्रो सम्मान र विश्वास जितोस्। जानुकाको उम्मेदवारीले यो सम्भावनालाई बलियो बनाएको छ,” स्थानीय व्यवसायीहरुको यो साझा धारणा हो ।

यो निर्वाचन केवल नेतृत्व चयनको प्रक्रिया मात्र होइन, यो संगठनको गुमेको साख फर्काउने र लैंगिक समानताको सन्देश स्थापित गर्ने अवसर पनि हो।

यो निर्वाचनले लेउवासंघको भविष्यलाई मात्र होइन, व्यवसायी समुदायमा नयाँ पुस्ता र महिला नेतृत्वको स्वीकार्यतालाई पनि परिभाषित गर्नेछ। जानुका अधिकारीको उम्मेदवारीले लैंगिक समानताको सन्देश बोकेको छ, र उनको सम्भावित विजयले नेपालको व्यवसायिक क्षेत्रमा महिलाहरूको नेतृत्वलाई नयाँ उचाइ दिनेछ।

लेखनाथ उद्योग वाणिज्य संघको भवन ।।

लेखनाथ उद्योग वाणिज्य संघको यो निर्वाचन केवल नेतृत्व चयनको प्रक्रिया मात्र होइन, यो संगठनको गुमेको साख फर्काउने र लैंगिक समानताको सन्देश स्थापित गर्ने अवसर पनि हो। जानुका अधिकारीको उम्मेदवारीले इतिहास रच्ने सम्भावना बोकेको छ।