यो विपत्तिको जड कांग्रेस नेता दीपक गुरुङ (माइला) र उनको परिवारको ८ रोपनी जग्गा जोगाउन महानगरपालिकाले निर्माण गरेको पर्खाल नैं बनेको छ ।

पोखरा, ४ साउन । पोखरा महानगरपालिका–१३ को काहुँखोलामा नेताको निजी स्वार्थका लागि खोलाको मापदण्ड मिचेर बनाइएको रिटेनिङ वालले स्थानीयवासीलाई सास्ती दिएको छ ।

शनिबार रातिको भारी वर्षापछि आइतबार बिहान आएको बाढीले काहुँखोलामा विनाश निम्त्याउँदा दुई कोठा बगायो र ९–१० घर डुबानमा परे। यो विपत्तिको जड कांग्रेस नेता दीपक गुरुङ (माइला) र उनको परिवारको ८ रोपनी जग्गा जोगाउन महानगरपालिकाले निर्माण गरेको पर्खाल नैं बनेको छ ।

आर्थिक वर्ष २०८०/८१ मा महानगरपालिकाले ‘सिद्धकोथान काहुँखोला हुँदै खोला संरक्षण’ शीर्षकमा ३० लाख बजेट छुट्याएर काहुँखोलामा रिटेनिङ वाल बनायो। यो पर्खाल दीपक गुरुङ र उनकी फूपू तिलकुमारी गुरुङको जग्गा जोगाउन र घडेरी बनाएर बिक्री गर्ने योजनाका लागि बनाइएको स्थानीयको आरोप छ। खोलाको प्राकृतिक बहावलाई २० मिटर माथिबाट दुई भागमा विभाजन गरी बनाइएको यो संरचनाले बाढीको जोखिम बढायो। परिणामस्वरूप, पुरानो पर्खाल भत्कियो र स्थानीयका घर–आँगन डुबानमा परे।

“नेताको स्वार्थमा खोलाको प्राकृतिक बहाव मासियो, र आज हामीले त्यसको मूल्य चुकाउनुपर्‍यो,” एक स्थानीयले आक्रोश व्यक्त गरे।

स्थानीयले यो योजनाको सुरुदेखि नै विरोध गरेका थिए। तर, पोखरा महानगरपालिका र वडा नम्बर १३ का अध्यक्ष किरण बरालले “बाढीबाट जोगाउन” भन्दै विरोधलाई बेवास्ता गरे। “नेताको स्वार्थमा खोलाको प्राकृतिक बहाव मासियो, र आज हामीले त्यसको मूल्य चुकाउनुपर्‍यो,” एक स्थानीयले आक्रोश व्यक्त गरे।

यो योजनाको कार्यान्वयनमा पारदर्शिता र स्थानीय सहभागिता शून्य थियो। उपभोक्ता समितिको अध्यक्षमा दीपक माइलाका भाइ रोशन गुरुङ नियुक्त भए। उनले स्थानीयसँग कुनै समन्वय नगरी आफ्ना नातेदारलाई समितिमा राखेर काम अघि बढाए। २०७९ कात्तिक १२ मा वडा कार्यालयसँग सम्झौता भएको यो योजना कात्तिक १५ बाट सुरु भयो। खोलाबाट निकालिएको गेग्य्रानसमेत गुरुङ परिवारको जग्गामा थुपारिएको छ।

उपभोक्ता समितिको अध्यक्षमा दीपक माइलाका भाइ रोशन गुरुङ नियुक्त भए। उनले स्थानीयसँग कुनै समन्वय नगरी आफ्ना नातेदारलाई समितिमा राखेर काम अघि बढाए।

यो घटनाले पोखरा महानगरपालिकाको गैरजिम्मेवार रवैया र नेताको प्रभावमा नीति निर्माण हुने प्रवृत्तिलाई छताछुल्ल पारेको छ। स्थानीयको विरोधलाई बेवास्ता गर्दै खोलाको मापदण्ड मिचेर बनाइएको पर्खालले नेताको जग्गा त जोगियो, तर जनताको घर–आँगन जोखिममा पर्‍यो। “महानगरले जनताको हितलाई बेवास्ता गरी नेताको स्वार्थलाई प्राथमिकता दियो,” स्थानीयले गुनासो गरे।

“महानगरले जनताको हितलाई बेवास्ता गरी नेताको स्वार्थलाई प्राथमिकता दियो,” स्थानीयले गुनासो गरे।