लेखनाथ, १९ फागुन । बेगनास युवा क्लबको आयोजनामा शुक्रबारदेखि जारी तेस्रो बेगनास कपमा सोमबारबाट उत्कृष्ट १६ का लागि प्रतिस्पर्धा शुरु भएको छ ।

सोमबार सम्पन्न पहिलो खेलमा बेगनासताल मत्स्य व्यवसायी र ब्ल्याक डायमण्ड बिच निर्धारित समयमा १/१ को बराबरी पछि भएको पेनाल्टी सुटआउटमा ब्ल्याक डायमण्ड लाई ३–२ को गोल अन्तरले पराजित गर्दै अगाडिको यात्रा तय गरेको हो ।

यस्तै दोश्रो खेलमा एन के क्लबले राइजिङ स्टार युवा क्लबलाई २–० को गोल अन्तरले पराजित गरेको छ भने मिक्की एफ सि ले न्यू स्टार एफ सिलाई ३–२ ले पराजित गरेको छ । निर्धारित समयमा कुनै पनि टिमले गोल गर्न नसकेपछि टाइब्रेकरमा मिक्कि एफ सि ले न्यू स्टार लाई ३–२ ले पराजित गरेको हो ।

एन डि कसमस जापानले इन्द्रेणी युथ क्लबलाई १–० ले पराजित गरेको छ भने बिनोद मेमोरियलले बिग सिटि क्याफेलाई ५–४ले पराजित गरेको छ । निर्धारित समयमा कुनै पनि पक्षबाट गोल हुन नसकेपछि खेल पेनाल्टी सुट आउटमा गएको थियो ।

सोमबारको अन्तिम खेलमा हिमाल एण्ड रक्षा मेमोरियलले ले ए स्टार क्याफेलाई ४–१ को फराकिलो अन्तरले पराजित गर्दै अघिल्लो चरणको यात्रा तय गरेको छ ।

फागुन २२ गतेसम्म सञ्चालन हुने प्रतियोगितामा कुल २८ टिमको सहभागिता रहेको छ ।