News Portal

ताजा शिर्षकहरु

प्रमुख समाचार राजनीति

स्याङ्जा २ बाट प्रतिनिधिसभामा काँग्रेसका धनराज गुरुङ निर्वाचित

स्याङ्जा, १७ मंसिर । स्याङ्जा २ बाट प्रतिनिधिसभा सदस्यमा नेपाली काँग्रेसका उपसभापति धनराज गुरुङ निर्वाचित भएका छन् । नेकपा एमालेकी सचिव पदमा अर्याललाई ५ हजार भन्दा बढि मतले पछि पार्दै काँग्रेसका गुरुङ विजयी भएका हुन् ।

शनिबार राति सकिएको मतगणना अनुसार काँग्रेसका उम्मेदवार गुरुङले ३१ हजार ४६६ मत र नेकपा एमालेकी सचिव पदमा अर्यालले २५ हजार ८३९ मत प्राप्त गरेकी थिईन् ।

त्यसैगरी, राष्ट्रिय स्वतन्त्र पार्टीका उम्मेदवार टिकराज गुरुङले ८ हजार ११३ मत पाएका छन् । १ लाख १६ हजार ६७८ मतदाता रहेको क्षेत्रमा ७० हजार १ सय ९१ मत खसेको थियो । तर, मतदानमा धाँधली भएको भन्दै विवाद चर्किदा मतगणना हुन सकिरहेको थिएन ।

स्याङ्जा २ अन्तर्गतको दुबै प्रदेश सभा निर्वाचन क्षेत्रमा कांग्रेसकै उम्मेदवार निर्वाचित भएका छन् । स्याङ्जा २ (१) बाट भोजराज अर्याल र (२) बाट महेश भट्टराई निर्वाचित भएका हुन् ।