News Portal

ताजा शिर्षकहरु

प्रमुख समाचार राजनीति

स्याङ्जामा ६ मतको अन्तरले एमालेका सुधिर निर्वाचित

स्याङ्जा, ९ मंसिर । स्याङ्जा निर्वाचन क्षेत्र नं. १ (२) प्रदेशसभा सदस्यमा ६ मतको अन्तरले नेकपा एमालेका उम्मेदवार सुधिरकुमार पौडेल निर्वाचित भएका छन् । ५ दलीय गठबन्धनका साझा उम्मेदवार नेपाली कांग्रेसका बुद्धिबहादुर राना ६ मतले पराजित हुन पुगेका हुन् ।

नेकपा एमालेका उम्मेद्वार पौडेलले १७ हजार ४ सय ४१ मत प्राप्त गर्दा उनका प्रतिस्पर्धी कांग्रेसका रानाले १७ हजार ४ सय ३५ मत प्राप्त गरेका थिए । त्यसैगरी, राष्ट्रिय प्रजातन्त्र पार्टीका उम्मेदवार शान्तिकुमारी हमालले १ हजार ६ सय ७४ मत प्राप्त गरेकी थिईन् ।

स्याङ्जा निर्वाचन क्षेत्र नं. १ (१) मा एमालेकी सीताकुमारी सुन्दास निर्वाचित भईसकेकी छिन् । त्यसैगरी क्षेत्र नं. १ को प्रतिनिधिसभा सदस्य पदमा राजु थापाले जित हासिल गरिसकेका छन् भने स्याङ्जा क्षेत्र नं. २ मा बुथ कब्जा गरेर मतदान गरेको भन्दै विवाद चर्किएपछि मतगणना हुन सकेको छैन ।