News Portal

ताजा शिर्षकहरु

प्रमुख समाचार राजनीति

कास्की क्षेत्र नं. १ मा एमालेका मनबहादुर गुरुङ विजयी

पोखरा, ९ मंसिर । कास्कीको निर्वाचन क्षेत्र नम्बर १ प्रतिनिधिसभा सदस्यमा ५ दलीय गठबन्धनका उम्मेदवारलाई हराउँदै नेकपा एमालेका मनबहादुर गुरुङ विजयी भएका छन् ।

गुरूङले सत्तारुढ गठबन्धनका साझा उम्मेदवार नेपाली कांग्रेसका किशोरदत्त बराललाई २ हजार ६ सय ९ मतको फरकले जित हासिल गरेका हुन् । एमालेका गुरुङले २५ हजार ७९८ मत ल्याउँदा कांग्रेसका बरालले २३ हजार १८९ मत ल्याएका छन् । यसैगरी, राष्ट्रिय स्वतन्त्र पार्टीका राजु राईले १० हजार ९ सय ४१ मत र राप्रपाका सूर्यबहादुर गुरूङले पनि ३ हजार ८ मत प्राप्त गरेका छन् ।

कास्की क्षेत्र नं. १ ‘२’ मा नेकपा एमालेका उम्मेदवार बेदबहादुर गुरुङ विजयी भईसकेका छन् । त्यस्तै कास्की क्षेत्र नं. १ ‘१’ मा पनि नेकपा एमालेका उम्मेदवार खगराज अधिकारी जितको नजिक रहेका छन् । कास्की क्षेत्र नं. १ मा नेकपा एमालेले ‘क्लिन स्वीप’ गर्ने देखिन्छ ।