News Portal

ताजा शिर्षकहरु

प्रमुख समाचार राजनीति

‘कास्की क्षेत्र नं. १ एमालेले ‘क्लिन स्वीप’ गर्दै !’

क्रमशः नेपाली काँग्रेसका किशोरदत्त बराल, नेकपा एमालेका मनबहादुर गुरुङ, माओवादीका दिपक कोइराला र एमालेका खगराज अधिकारी

पोखरा, ९ मंसिर । कास्कीको निर्वाचन क्षेत्र नम्बर १ मा ५ दलीय सत्तागठबन्धन र नेकपा एमाले बिच कडा प्रस्पिर्धा देखिएको छ । अहिलेसम्मको स्थितिलाई हेर्दा क्षेत्र नं. १ एमालेले क्लिन स्वीप गर्ने सम्भावना देखिन्छ । यतिबेला वडा नं. २६ को मतगणना भईरहँदा पनि सत्तारुढ गठबन्धनले जित्ने सम्भावना धेरै न्यून छ ।

मतगणना जारी रहेकै अवस्थामा कास्की निर्वाचन क्षेत्र नं. १ मा प्रतिनिधिसभा सदस्यका लागि नेकपा एमालेका उम्मेदवार मनबहादुर गुरुङ ५ दलीय गठबन्धनका साझा उम्मेदवार नेपाली काँग्रेसका किशोरदत्त बराल भन्दा अगाडि नै देखिएका छन् ।

एमालेका गुरुङले २२ हजार ९ सय २६ मत प्राप्त गरेका छन् भने कांग्रेसका बरालले २० हजार ३ सय ९ मत प्राप्त गरेका छन् । मतगणना जारी रहँदा एमालेका गुरुङले २ हजार ६ सय १७ मतले अगाडि छन् ।

त्यसैगरी, गण्डकी प्रदेशका भावी मूख्यमन्त्रीका रुपमा हेरिएका नेकपा एमालेका नेता खगराज अधिकारीले ५ दलीय गठबन्धनका साझा उम्मेदवार नेकपा माओवादीका दिपक कोइरालालाई भारी मतान्तरले जितिरहेका छन् । एमालेका अधिकारीले १२ हजार ८९ मत प्राप्त गर्दा माओवादीका कोइरालाले ८ हजार ९ सय ९४ मत प्राप्त गरेका छन् । मतगणना जारी रहँदा एमालेका अधिकारी ३ हजार ९५ मतले अगाडि छन् ।

यता, कास्की क्षेत्र नं. १ ख मा नेकपा एमालेका उम्मेदवार बेदबहादुर गुरुङले ५ दलीय गठबन्धनका साझा उम्मेदवार नेपाली काँग्रेसका दिपक गुरुङ ‘माईला’लाई हराउँदै प्रदेशसभा सदस्यमा निर्वाचित भईसकेका छन् । एमालेका बेदबहादुरले १२ हजार ६ सय ६१ मत प्राप्त गरेका थिए भने काँग्रेसका दिपक माईलाले ११ हजार ७ सय ९४ मत प्राप्त गरेका थिए ।