पोखरा, ४ मंसिर । चुनाव बहिष्कारको घोषणा गरेको नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी कास्कीले आज मतदान बहिष्कार गरौं भन्दै सरसफाई कार्यक्रमको आयोजना गरेको छ ।

पोखरा महानगरपालिकाको वडा नं. १४ को नमुनाबस्तीमा आयोजित कार्यक्रममा ‘नो भोट’, ‘एमसिसि बहिष्कार गरौं’ र मतदान नगरौं लेखिएका ब्यानरसहित सरसफाई कार्यक्रमको आयोजना गरिएको थियो ।

कार्यक्रममा नेकपा कास्कीका जिल्ला सेक्रेटरी काजी गुरुङ, नेकपाका नेताहरु सोममाया विक, परिवर्तन, विद्यार्थी नेता प्रकाश बाँस्तोला लगायतले चुनाव बहिष्कार गर्न आमजनतालाई आग्रह गरेका थिए ।