काठमाडौं, ३० असार । प्रतिनिधि सभाको उपसभामुखका लागि सत्तारुढ गठबन्धनबाट नेपाली कांग्रेसकी पुष्पा भुसाल र नेकपा एमालेबाट विद्या भट्टराईले उम्मेदवारी दर्ता गराएका छन् ।

आज बिहान ११ बजेदेखि दिउँसो १ बजेसम्म मनोनयनको समय तोकिएको थियो । आजै दिउँसो साढे १ बजे उम्मेदवारको सूची प्रकाशन गर्ने कार्यसूची रहेको छ । भोलि उपसभामुखको निर्वाचन हुँदैछ ।

माओवादीका प्रमुख सचेतक देबप्रसाद गुरुङको प्रस्ताव र सांसद लक्ष्मीकुमारी चौधरीको समर्थनमा भुसालले उम्मेदवारी दर्ता गराएकी हुन् । त्यसैगरी, एमाले संसदीय दलका उप नेता सुवासचन्द्र नेम्वाङले एमालेबाट उपसभामुखको उम्मेदवार विद्या भट्टराईको उम्मेदवारी दर्ता गराइएको जानकारी दिएका छन् ।