News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

कालिका माविका सहायक प्रधानाध्यापक दीपेन्द्रप्रसाद बास्ताकोटी पुर्पक्षका लागि कारागार चलान

पोखरा, जेठ । नक्कली परीक्षार्थी बनेर लोकसेवा आयोगको परीक्षामा बर्षौंदेखि सहभागी हुँदै आएका कालिका माध्यमिक विद्यालय पोखरा–२४ का सहायक प्रधानाध्यापक दिपेन्द्रप्रसाद बास्ताकोटी पुर्पक्षका लागि कारागार चलान भएका छन् ।

जेठ १९ गते विहान ८ बजेको समयमा मकवानपुर जिल्लाको हेटौंडा उपमहानगरपालिका वडा नं. १ मा रहेको अमर माध्यमिक विद्यालयमा सञ्चालन भईरहेको लोक सेवा आयोगको प्रशासन लेखा सहायक चौथो तहको परीक्षामा नक्कली परीक्षार्थीका रुपमा सहभागी भएका सहायक प्रधानाध्यापक बास्ताकोटीलाई प्रहरीले पक्राउ गरेको थियो ।

उनले महोत्तरी जिल्ला साविक पोखभिण्डा गा.बि.स. बस्ने अभय कुमार यादवको ठाउँमा परिक्षा दिईरहेको फेला पारी लोकसेवा आयोगको परिक्षाको केन्द्राध्यक्षले तत्काल प्रहरीलाई जानकारी गराएका थिए । जिल्ला प्रहरी कार्यालय मकवानपुरबाट खटिएको प्रहरी टोलीले सहायक प्रधानाध्यापक बास्ताकोटीलाई नियन्त्रणमा लिई साथमा रहेको झोला चेकजाँच गर्दा नगद अन्ठाउन्न हजार पाँच सय, जिल्ला महोत्तरी बस्ने अभय कुमार यादवको नाउँको नागरीकता, जिल्ला महोत्तरी बस्ने सुजित कुमार साहको नाउँको नागरीकता, जिल्ला धनुसा बस्ने हिरा कुमारीको नाउँको नागरीकता र जिल्ला धनुषा बस्ने विनोद कुमार महतोको नाउँको नागरीकता फेला परेको थियो ।

विज्ञान विषयका स्थायी शिक्षक समेत रहेका बास्ताकोटी लगायतको एक गिरोहले वषौंदेखि यो धन्दा सञ्चालन गर्दै लाखौं रुपैयाँ असुल्दै आईरहे पनि प्रहरी प्रशासन भने बेखबर नै थियो । उनी पक्राउ परेसँगैं यो रहस्य खुलेको हो ।

कालिका माविका सहायक प्रधानाध्यापक दीपेन्द्रप्रसाद बास्ताकोटी लोकसेवा आयोगको परीक्षामा नक्कली परीक्षार्थी बनेर सहभागी भएको फेला पारेपछि प्रदेश लोक सेवा आयोग बागमती प्रदेश, हेटौंडा, मकवानपुरले जारी गरेको प्रेस विज्ञप्ति :

प्रतिक्रिया

डनन्यूज ट्रेन्डिङ