News Portal

ताजा शिर्षकहरु

चर्चित शिर्षकहरु

Uncategorized प्रमुख समाचार राजनीति

उल्टियो परिणाम, पोखरामा खुम्चियो एमाले

पोखरा, ११ जेठ । पोखरा महानगरपालिकामा यसपटकको स्थानीय तह निर्वाचनको परिणाम अनुसार एमालेले यसअघि जितेका वडाहरु गुमाएर खुम्चिन पुगेको छ । यसअघि २०७४ सालको निर्वाचनमा मेयर र उपमेयरसहित २२ वडा जितेको एमाले यसपटक ८ वडामा सीमित भएको छ । अहिलेको चुनावमा एमालेका केन्द्रदेखि जिल्लास्तरका नेताहरुले आफ्नै वडामा लज्जास्पद हार व्यहोर्नु परेको छ ।

कम्युनिष्टले आफ्नो लालकिल्ला भनेर दावी गर्ने धेरै वडाहरुमा यसपाली कांग्रेसले जीत हासिल गरेको छ । नेपाली कांग्रेस यसपटको स्थानीय चुनावमा २४ वडाहरु जित्न सफल भएको छ । जसमध्ये एक वडामा स्वतन्त्र उम्मेदवार अध्यक्षमा निर्वाचित भएको मुख्य निर्वाचन अधिकृत श्रीकृष्ण भट्टराईले जानकारी दिएका छन् ।

३३ वडा रहेको पोखरामा रहेका दुई लाख सात हजार ७ सय १२ जना मतदातामध्ये एक लाख ४३ हजार दुई सय २६ जनाले ३० वैशाखमा सम्पन्न निर्वाचनमा मतदान गरेका थिए । नेपाली कांग्रेसले जितेको वडाहरुमा २, ३, ४, ७, ९, १०, ११, १२, १३, १४, १६, १८, १९, २३, २४, २५, २६, २७, २८, ३०, ३१, ३२ र ३३ रहेका छन् ।

पोखरा वडा नंं २२ मा स्वतन्त्र उम्मेदवारले जित हासिल गरेका छन् भने बाँकी वडाहरु १, ५, ६, ८, १५, १७, २०, २१ र २९ मा एमालेले जीत हासिल गरेको छ । कतिपय वडाहरुमा पुरै प्यानले आएको छ भने कतिपय वडाहरुमा अध्यक्षमात्र पनि दलहरुले जितेका छन् ।

प्रतिक्रिया

डनन्यूज ट्रेन्डिङ