News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

५० हजार मतगणना गर्दा पनि मेयरमा धनराज कैं अग्रता कायमैं

१२ वडाको मतगणना सकिँदा कांग्रेस ९ र एमाले ३ वडामा विजयी

पोखरा, ५ जेठ । पोखरा महानगरपालिकाको मेयरमा सत्तारुढ गठबन्धनका साझा उम्मेदवार नेकपा एकीकृत समाजवादीका धनराज आचार्यले निरन्तर अग्रता कायम गरिरहेका छन् । उपमेयरमा केही मतले अघि पछि भईरहँदा मेयरमा भने आचार्य निरन्तर गतिमा अघि बढिरहेका छन् ।

निकटतम प्रतिद्वन्द्वी नेकपा एमालेका उम्मेदवार पूर्वमेयर कृष्ण थापालाई आचार्यले ५० हजार एकसय १७ मत गणना भईरहँदा २ हजार तीनसय ८३ मतले आचार्यले अग्रता लिइरहेका छन् । आचार्यले २० हजार सातसय ४९ मत प्राप्त गरेका छन् भने थापाले १७ हजार सातसय ३४ मत पाएका छन् ।

त्यसैगरी, उपमेयरमा पटक–पटक नेकपा एमालेकी मञ्जु गुरुङ र नेपाली कांग्रेसकी कोपिला रानाभाट बिच अघिपछि चलिरहेको छ । यसपटक भने एमालेकी गुरुङले १४ मतले पछि पार्दै २० हजार नौंसय ७७ मतले अग्रता लिईरहेकी छिन् । कांग्रेसकी रानाभाटले २० हजार नौंसय ६३ मतले पछ्याई रहेकी छिन् । १२ वडाको मतगणना सकिँदा कांग्रेस ९ र एमाले ३ वडामा विजयी भएको छ ।