पोखरा, १ जेठ । तीनवडाको १६ सय मत गणना हुँदा यतिबेला पोखरा महानगरपालिकामा सत्तारुढ गठबन्धन दलका मेयर र उपमेयरले अग्रता कायम गरिरहेका छन् । हिजो साँझदेखि शुरु भएको मतगणनामा यतिबेला पोखराको वडा नं. १, २ र १२ को मतगणतना गर्ने क्रम चलिरहेको छ ।

जसमा सत्तारुढ गठबन्धनका मेयरका साझा उम्मेदवार नेकपा एकीकृत समाजवादीका धनराज आचार्य र उपमेयरकी उम्मेदवार नेपाली कांग्रेसकी कोपिला रानाभाटले अग्रता कायम राखिरहेका छन् । १६ सय मत गणना गर्दा मेयरमा धनराज आचार्य ६१३ मतसहित र उपमेयरमा कोपिला रानाभाट ७१६ मतसहित अगाडि छन् ।

यता, निकटम प्रतिद्वन्द्वी नेकपा एमालेका मेयरका उम्मेदवार कृष्ण थापाले ५८३ र एमालेकी उपमेयरकी उम्मेदवार मञ्जु गुरुङले ५८३ मतका साथ पछ्याई रहेका छन् ।